Речиси четири пати пониски од просекот за октомври се нивоата на реките Вардар кај Јегуновце и на Сатеска кај Ботун, додека Вардар кај Зајчев Рид и Црн Дрим кај Ложани се преполовени, покажуваат денешните хидролошки мерења на УХМР.

Годишното аплицирање по електронски пат за распределба на ЕКМТ дозволи за 2019 година и изготвување на Листа на превозници и резервирани поединечни транспортни дозволи за превоз на стоки за 2019 година ќе се врши од сабота 13 октомври во 0:00 часот до понеделник 15 октомври во 23:59:00 часот, информира Министерството за транспорт и врски.

Во рамките на Репуличките сили за заштита и спасување се и десет пожарникари од ТППЕ Струмица. Тие заедно со други припадници на силите учествуваат на меѓународна вежбовна активност за спасување од урнатини и поплави „Србија 2018" што се одржува во Младеновац, Република Србија.

Советот на општина Делчево донесе одлука за измена на распоредот на средствата во Буџетот на Општината за 2018 година.

Седумнаесетгодишниот Стефан Јакимовски живее во светот на машините и електрониката. Подрумските простории во станбената зграда во штипската населба Сењак, каде што живее, ги претворил во работилница.

На градскиот плоштад во Прилеп, кај споменикот „Крали Марко“, утре во 11 часот ќе започне глобалниот предизвик „IceBottleChallenge.org“ на кој ќе се сврти првото пластично шише, таканаречено „Ботл флип“ и со тоа ќе се испрати пораката „Сврти шише за почист свет“.

Во просториите на Библиотека „Другарче“ денеска беше конституиран Локалниот совет за превенција при општина Карпош, тело кое ќе има за цел да работи на зголемување на безбедноста на територијата на локалната самоуправа и превентивно да дејствува.

Во градската библиотека „Кочо Рацин" при Национална установа Центар за култура, Крива Паланка денеска се одржа општински натпревар за млади библиотекари.

Нови две пристапни рампи, паркинг простор и адаптирани тоалети за учениците со попреченост доби основното училиште „Кочо Рацин“ во Куманово. Изградбата е завршена преку проектот „Сложувалка“ кој го спроведуваат меѓуопштинското здружение на лицата со телесен инвалидитет „Мобилност Куманово“ и училиштето, но и бизнис заедницата која финансираше изградба на еден од двата адаптирани тоалети.

Во рамките на одберлежувањето на 77-годишнината од почетокот на народното антифашистичко востание во Македонија, Сојузот на борците во Прилеп се одржа предавање за 5-та Народноослободителна ударна бригада - прилепска која одиграла голема улога во НОБ и револуцијата.