Пред голем број стопанственици и претставници на фирми од регионот, денеска во општина Макеоднска Каменица се одржа промоција на „Македонија 2025“. На промоцијата беа претставени придобивките и можностите за развој на домашните компаниите, преку воведување на западните перспективи и вредности за унапредување на деловните практики.

Подигање на јавната свест за правата и обврските на граѓаните околу достапноста на здрава вода за пиење, како и за нејзината цена беше главна цел на денешната активност на Центарот за еколошка демократија Флорозон од Скопје и Институтот за развој на заедницата од Тетово што го организираа во центарот на Тетово.

Со вода за пиење кавадарчани си ги ладат казаните за печење ракија, за 60 литри во секунда е зголемена потрошувачката на вода во Кавадарци.

Несовесни кавадарчани испуштаат фекалии во атмосферската канализација, реагираат незадоволни жители од општина Кавадарци. Роберто Паризов, претседател на еколошкото друштво „Еко-живот” од Кавадарци, во изјава за МИА вели дека е срамота, што одделни граѓани фекалната ја приклучиле во атмосферската канализација, која пак оди во реката Луда Мара.

Преку двата аеродрома во Македонија, во Скопје и Охрид, во првите девет месеци од годинава патувале 1,8 милиони патници при што е забележан годишен раст од 18 отсто, соопшти ТАВ Македонија, компанијата која управува со македонските аеродроми.

Жените претприемачки од штипскиот регион денеска се обучуваа како да работат на компјутер. Обуките се во рамките на проектот „We make“ женско претприемништво. Валентина Дисоска претсдател на Здружението на бизнис жени на РМ вели дека обуките ги реализира токму жена претприемач, која има сертифицирани програми.

Полека изумира 100-годишната круша „сулија“ во центарот на Делчево, овошна култура што се одликува со висока доза калоричност и која е една од најкарактеристичните овошни култури за ова подрачје. Во Делчево постојат само неколку примероци од оваа сорта круша.

Во организација на општина Македонска Каменица во Домот на култура ќе се оддржи презентација на новите владини мерки и програми за земјоделците.

Со дефиле на готвачите, судиите и домаќините по улицата на струмичкото корзо и заедничка фотографија на плоштадот беше означен почетокот на третото издание на Меѓународниот гастрономски натпревар „ГастроМак Македонија 2018“.

Најпогодени од невремето се селата Јанковец и Избишта. Според земјоделците, градот нанел голема штета на јабоката, чија берба е во полн ек.