Во Делчево се одвиваат главните активности од Пијанечко-малешевската свадба, манифестација која по 12-ти пат се одржува во Делчево.

Честитка по повод 8 Септември - Денот на независноста на Република Македонија упати братството на манастирот „Свети Јован Крстител“, познат како Бигорски манастир.

Волонтерите на штипската организација на Црвениот крст денеска со делење на едукативни флаери на кои се испишани пораки до учесниците во сообраќајот го одбележа Светскиот ден на прва помош.

Најмалку 60 деца од претшколска возраст останаа на листите за чекање во двете градинки во Штип. Најмногу се чека за прием во објектите на градинката „Астибо“ каде, што како што вели директорката Билјана Трајчевска, имаат 50 дечиња кои чекаат да бидат примени во еден од клоновите низ штипските населби.

Натпревар во играње табла по 16 пат се реализира во Кавадарци, во рамки на манифестацијата „Тиквешки гроздобер“.

Навремено и правилно укажана прва помош на повредени во сообраќајна незгода може да направи значајна разлика меѓу животот и смртта, е пораката на Општинската организација на Црвениот крст – Ресен на симулациската вежба за сообраќајна незгода и извлекување повредени што се одржа во дворот на гимназијата „Цар Самоил“ по повод Светскиот ден на првата помош – 8 Септември.

Со прием на македонските државјани кои живеат во Солун, во конзулатот на Република Македонија вчера беше одбележан денот на независноста, 8 Септември.

По повод 8 Септември, Денот на независноста на Република Македонија денеска делегации од Собранието, АРМ, МВР, Здружението на борците, од општина Куманово, од Советот на општината, политички партии, претставници на граѓански здруженија, установи и институции положија цвеќе пред споменикот Жена борец на градскиот плоштад во Куманово.

Со одвоени прослави во два различни термини на исто место, Споменикот на револуцијата во центарот на Тетово, општинската организација на СДСМ и општинскиот комитет на ВМРО-ДПМНЕ од Тетово го одбележаа 8 Септември – Денот на независноста на Македонија.

Со положување цвеќе пред Спомен-костурницата на паднатите борци од НОВ во Гевгелија денеска беше одбележан Денот на независноста - 8 Септември.