Независниот синдикат на машинскиот персонал на Македонија при МЖ Транспорт бара пензионирање на машинскиот и извршниот персонал со 40 години стаж, со што, како што соопштуваат, ќе им се врати правото што им било одземено во 2007 година.

Кавадарчанец и двајца неготинци деновиве се качија на Триглав, во рамки на организираната акција за искачување на највисокиот врв на Јулиските Алпи во Словенија, висок 2.864 метри. Екипата била составена од планинари Македонија.

Во Кавадарци денеска почна со работа Туристичко информативно биро. Кавадаречкиот градоначалник Митко Јанчев рече дека општината добива објект што ќе биде во функција на привлекување туристи. Целта е да се промовира историјата на Кавадарци, винскиот пат и останатите богатства кои се поседуваат.

Министерството за земјоделство шумарство и водостопанство (МЗШВ) објави нов јавен оглас за давање под закуп на државно земјоделско земјиште до три хектари со кој се нудат над 834 хектари во Битола, Велес, Македонски Брод, Гевгелија, Демир Хисар, Крива Паланка, Кратово, Струмица, Пробиштип и Тетово.

Општините заинтересирани за користење на средства за вградвање фотоволтаични системи на јавни објекти. На објавениот повик се добиени голем број апликации од 30-те општини кои можат да аплицираат а се од региони со понизок БДП по глава на жител. На располагање се два милиони евра грант средства од ИПА на ЕУ.

Четворица студенти од Економскиот факултет при Универзитетот „Гоце Делчев“ (УГД) -Штип го освоија петтото место на натпреварот за тргување на берзи „Rotman International trading“, кој се одржа во Италија кон крајот на месец август.

Претседателот на Стопанската комора на Македонија Бранко Азески и градоначалникот на Крива Паланка Борјанчо Мицевски денеска потпишаа Меморандум во насока на заедничка соработка за решавање клучни прашања од значење за бизнис-секторот на подрачјето на оваа општина и унапредување на деловниот амбиент.

Во организација на Републичкиот совет за безбедност на сообраќајот на патиштата попладнево во општина Велес одржа работилница на тема „Унапредување на сообраќајот на патиштата на локално ниво“.

Претставници на иницијативата „Спас за Попова Шапка“ составена од стопанственици, планинари и спортски работници на прес-конференција на Попова Шапка денеска предупредија дека е доведено во прашање одржувањето на претстојната зимска скијачка сезона.

Од општина Гостивар побараа од Јавното обвинителство, трудовата и просветната инспекција да ги проверат новите вработувања во секторот образование, кои како што беше соопштено на прес-конфренција биле незаконски и селективни. Гостиварските локални власти се жалат на опструкции кои доаѓаат од Министерството за образование.