Се прават сериозни подготовки околу продолжување на градежните работи на недовршениот објект на новата Општа болница во Кичево и негово комплетно завршување, изјави директорот на таа јавна здравствен установа, Биљана Настеска.

Во организација на Здружението на граѓани со ретки болести „Живот со предизвици“ од 31 август до 2 септември во Охрид ќе се одржат серија предавања посветени на лицата заболени од Алпортов синдром, ретко бубрежно заболување на младата популација.

Со вечерна богослужба со која ќе чиноначалствува митрополитот Кумановско-Осоговски г.Јосиф, во манастирскиот комплекс св.Јоаким Осоговски кај Крива Паланка вечерва ќе почне чествувањето на големиот христијански празник Успение на Пресвета Богородица.

Синоќа по улиците на Струмица за прв пат се организраше ноќна полумаратонска трка во должина од 21 километри, како и трка на 5 и 10 километри.

Во пресрет на утрешниот христијански празник Успение на Пресвета Богородица (Голема Богородица), во манастирот во Матка кај Скопје вечер ќе се одржи Вечерна Богослужба, духовна академија и сеноќно бдение.

Со војничка свеченост денеска во тетовската касарна „Кузман Јосифовски Питу“ беше одбележан 27 август - Ден на Третиот механизиран пешадиски баталјон.

АД Електрани на Македонија почнаа со празнување на македонскиот Ден на рударите 28-ми август, а според програмата, годинава најголемиот дел од активностите се организираат во Битола и РЕК Битола.

Во првите шест месеци од годинава буџетот на Општина Штип заедно со блок дотациите е реализиран над 369 милиони денари или 39 проценти, а додека основниот буџет е реализиран со 142.494.000 денари или со 30 отсто од планираното, информира раководителот на Секторот за финансии во општина Штип, Трајче Цветков.

Во првото полугодие од годинава, општина Гевгелија реализирала приходи од 179,1 милиони денари од кои тековно оперативни биле околу 170 милиони денари, а 9,3 милиони денари биле капитални приходи.

Двојно е зголемен водостојот на реката Вардар кај Јегуновце и Велес, како и на Црна Река кај Новаци.