Општина Карпош и во учебната 2018/2019 година ќе доделува стипендии на талентирани спортисти, кои се жители и кои учат во осмо и деветто одделение во основните училишта во оваа локална самоуправа.

Општина Кисела Вода објавува јавен повик до сите заинтересирани граѓански здруженија, активисти и жители за заштита на правата на животните кои се со адреса на седиште и живеалиште на територијата на оваа локална самоуправа.

Четворица средношколци и четворица студенти од Крива Паланка кои учат и студираат во училиштата и на факултетите во Република Македонија во учебната-студиската 2018/2019 година ќе добијат стипендии од општината.

Поради градежни работи в недела ќе има прекин во сообраќајот на патот од Кавадарци кон Росоман и обратно, информираат од кавадаречкото Јавно претпријатие „Комуналец“.

Советот на општина Гевгелија денеска го усвои Елаборатот од општинската комисија за проценка на штети од елементарни непогоди според кој штетите на земјоделските посеви од невремето на 24 јули се проценети на околу 110 милиони денари.

Во програмата за финансиска подршка на руралниот развој во 2018 година, општина Гевгелија ќе аплицира со три проекти кои од страна општинските советници денеска беа потврдени како приоритетни.

Делчевската деветолетка „Св.Климент Охридски“ се подготвува за стартот на учебната година. Сите потребни работи околу успешен старт на учебната година веќе се при крај, така што, како што истакнаа од училиштето учебната година во централното како и во пет подрачни училишта кои работата во состав на училиштето ќе започне без никакви проблеми.

На граничните премини Богородица и Табановце има зголемена фреквенција на возила и чекање до 30 минути. На останатите гранични премини премини, од македонска страна, нема подолги задржувања за влез и излез од државата, информира Автомотосојузот на Македонија.

Во општина Берово денеска се одбележа 23 Август, денот на ослободувањето на Берово. Одбележувањето на патронот на градот започна со одржување на традиционалната свечена седница со која претседаваше актуелниот претседателот на Советот на Општина Берово, Јован Матеничарски.

Дваесет и четири крвни единици беа собрани во денешната редовна крводарителска акција, која се реализираше во Домот на културата „Иван Мазов Климе” во Кавадарци.