Средбата е дел од проектот „Дали плановите на ЛЕР се стимулативни за опстанок или за иселување од општините“ на овој Центар, кој има за цел да покаже кои се плановите на општините за Локален економски развој и колку тие се во функција да се спречи иселувањето во четири градови во Источна Македонија, односно Берово, Делчево, Пехчево и Македонска Каменица.

Во наредните три дена Споменикот на слободата во Кочани ќе биде центар на културните настани, како дел од заложбата на локалната самоуправа со повеќе различни содржини да го заживее просторот што со години е запуштен.

Поради сообраќајна незгода помеѓу селата Чешиново и Облешево од 16:40 часот во прекин е сообраќајот на магистралниот пат Штип-Кочани, информира АМСМ.

Со деветтата и последна смена во Бигорскиот манастир и неговиот метох, манастирот „Свети Георгиј Победоносец“ во дебарското село Рачица, заврши годинашниот летен камп по веронаука, кој беше во знакот на големиот јубилеј „1.000 години Охридска Архиепископија“. Последни манастирски гости беа деца од Струга.

Силно невреме проследено со грмежи, град и пороен дожд попладнево после 14:30 часот го зафати Охрид.

По повод 116-годишнината од раѓањето на првиот претседател на Президиумот на АСНОМ, Методија Андонов - Ченто, претставници на локалната самоуправа, на Сојузот на борците, политички партии и здруженија на граѓани, положија цвеќе и се поклонија пред споменикот на Ченто во центарот на Прилеп, оддавајќи му почит на заслужниот македонски деец.

Со воена свеченост денеска во касарната „Чеде Филипоски - Даме“ во Кичево, беше одбележан Денот на АРМ 18 Август. На одбележувањето присуствуваа претставници на единиците на локалната самоуправа во зоната на одговорност на единицата, како и правни и физички лица со кои оваа единица има соработка.

Во Командата за обука и доктрини во велешката касарна „Алексо Демниевски-Бауман“ денеска свечено беше одбележан 18 Август - Денот на АРМ.

Штипските терени за лов на прелетен дивеч се примамливи за ловџии од Италија, Франција и Германија. Тие викендов во атарите на селата Врсаково, Судиќ и Трогерци ќе ловат прелетен дивеч.

На плоштадот „Гоце Делчев“ во Струмица вечер почнуват завршните музички вечери на седмото издание на Струмица опен фестивал.