Македонската информативна агенција (МИА) ја доби опремата за новиот фото и видео сервис како дел од помошта што Американската агенција за меѓународен развој (УСАИД) ја реализира врз основа на потпишаниот Договор за соработка со МИА.

Интензитетот на сообраќај на патните правци надвор од градските средини изутринава е умерен и се одвива по суви коловози и без проблеми. На граничните премини, од македонска страна, нема подолги чекања за влез и за излез од државата.

Во рамките на проектот Rural youth assisting Macedonia in EU integration, денеска во Делчево се одржа работилница за врсничка едукација за Европската Унија и улогата на младите од руралните средини во поддршка на евроинтеграцијата на Република Македонија.

Се уште нема решение за пласман на овогодинешниот род сливата во Пијанец. Надлежните институции немаат донесено одлука за петте илјади тони сина слива, само од делчевскиот крај, за кои досега нема ниту доволно откупувачи, а ниту добра откупна цена. Затоа тие за утре во 10 часот најавија мирен протест пред општинската зграда.

Стариот римски мост во Богомила, во срцето на Азот, ќе се заштити и ќе биде пренаменет само за пешаци, додека малку подолу од него, ќе се изгради нов бетонски мост што ќе се користи за сообраќај, потврди при денешната посета министерот за транспорт и врски Горан Сугарески одговарајќи на новинарски прашања.

Општина Кочани и канцеларијата на Фондацијата „Фридрих Еберт“ во Скопје организираат форум на тема „Младински перспективи за локален развој“ како дел од Фридом мјузик фестивалот што годинава првпат ќе се одржи и на кој ќе учествуваат повеќе домашни и меѓународни диџеи.

Штипските стечајци кои добија негативни решенија за добивање на месечен паричен надоместок денеска повторно се собраа. На состанокот во општинската зграда беа информирани за законските измени, со кои ќе бидат опфатени и тие да добиваат стечаен надоместок.

Претставници на Здружението „Мултикултура“ од Тетово во следните 30 месеци како регионална канцеларија на коалицијата „Сите за правично судење“ ќе ги набљудуваат судските постапки пред основните судови во Тетово и Гостивар односно регионот под надлежност на Апелацискиот суд во Гостивар.

Меѓународниот ден на младите ќе биде одбележан попладне со настан што ќе се одржи во Градскиот парк во организација на Агенцијата за млади и спорт.

Пред споменикот на петтемина убиени струмички студенти во 1951 година - Борис Белев, Мирко Пецев, Ѓорѓи Јармов, Ѓорѓи Костуранов и Стево Топчев, денеска беа одбележани 67 години од нивното убиство.