Македонија ја доби втората канцеларија за дијаспора. После Штип, денес и Македонска Каменица доби простор кој ќе им стои на располагање на сите иселеници од овој крај кои ќе сакаат да ги пренесат сите идеи и да се информираат за поволностите кои им ги нуди општината за инвестирање или некоја друга соработка.

Во Градскиот музеј во Крива Паланка синоќа се одржа културниот настан „Уметност и музика“ во рамки на „Кривопаланечко културно лето 2018“.

Сообраќајот на државните патишта се одвива по суви коловози. Се препорачува внимателно возење, прилагодена брзина на движење и почитување на поставената сообраќајна сигнализација, информираат од Автомото сојузот на Македонија.

Проектот „Од акција до еднакви права на Ромите“ имплементиран од Асоцијацијата за демократски развој на Ромите-Тетово, во партнерство со групата за малцински права од Лондон, Здружението за развој и интеграција на млади Роми и Ромки „Преродба“ од Кичево, денес пред платото на хотелот „Арабела“ организира локална кампања.

Производители на сливи од Радовиш незадоволни од ниските откупни цени денес го блокираа патот Радовиш-Струмица. Велат дека целосно е запрен откупот на сливите на откупните пунктови во селата.

Родители, полицајци, советници во Општина Кисела Вода и градоначалникот Филип Темелковски вчера беа во обиколка на повеќе локации низ општината каде има собирање на младите во доцните часови и на места каде што има евидентирани нарушувања на јавниот ред и мир и зачестени кривични дела.

Членовите од Советот на млади на Општина Штип и студентите од Велико Трново од Република Бугарија денеска низ централното градско подрачје на Штип делеа информативен материјал за можностите, кои ги нуди Европската унија на младите.

Заврши тендерската постапка за пријавување на градежните компании за изградба на новата детска градинка во штипската населба „Сењак“.

Мобилна екипа составена од неколку волонтери кои се дел од работата на Општинската организација на Црвениот крст од Делчево со превентивни теренски активности, денес делеа шишиња со вода во насока на заштита на населението од топлото време.

Активни се четири огласи за давање под закуп на земјоделско земјиште во државна сопстевност со вкупна површина од над четири илјади хектари, изјави на прес-конференција Соња Трпчевска-Јанковска, портпарол на Министерството за земјоделство, шумарство и водостопанство.