Печалбарите во Кичевско кои доаѓаат во својот роден крај во летниот период придонесуваат за зголемување на прометот во угостителските објекти. Се проценува дека во периодот додека престојуваат се прават и до 500 свадби и други семејни веселби.

Интензитетот на сообраќај на патните правци надвор од градските средини е зголемен, а на граничните премини Табановце и Богородица, за излез од државата се чека околу 15-30 минути.

Со концерт на Камерниот оркестар на Битола синоќа во Струмица беа отворени музичките вечери на седмото издание на Струмица опен фестивал.

Овоштари од Росоманско попладнево изразија вознемиреност по најавата на рускиот регулатор за безбедност на храна дека од 15 август ќе воведе забрана за привремен увоз на некои коскести плодови од Македонија и Србија поради загриженост за безбедноста.

Отсекот за управни работи Куманово од СВР Куманово ќе работи утре и во недела (11-ти и 12 август), информираа денеска од кумановската полиција.

Нивото на реката Вардар во Велес утрово на мерното место кај Стар Мост било 60 сантиметри, исто колку што било вчера, на четврти и на петти овој месец. На шести август нивото било 58 сантиметри, на седми август 55, а на осми август најниско или 52 сантиметри.

Русија најави од 15 август да воведе забрана за привремен увоз на некои коскести плодови од Србија и Македонија поради загриженоста за безбедноста, соопшти рускиот регулатор за безбедност на храна, пренесува Ројтерс.

АД МЕПСО апелира до земјоделците од шптипскиот и овчеполскиот регион да внимаваат како ги наводнуваат своите ниви низ кои поминуваат далноводи. Портпаролот на АД МЕПСО, Никола Стојанов вели дека земјоделците секогаш треба да имаат во предвид дека водата, но и цевките на системите кои се направени од метал се проводници на електрична енергија.

Над 200 членови на ловечките здруженија денеска полагаа ловечки испит во Штип. Николче Малинов член на Управниот одбор на ЛЗ „Ловец“-Штип вели дека за разлика од минататите години денеска првпат ловечкиот испит се полагаше во Штип, а не во Скопје, со што оние кои сакаат да станат ловџии не се изложени на дополнителни патни трошоци.

Наглото зголемување на темпаратурите и топлотниот бран, неделава го зголеми и бројот на пациенти на повик во Итната помош во Велес.