Во првите шест месеци од годинава криминалитетот на подрачјето на општините Крива Паланка и Ранковце е зголемен за 47,4 отсто, споредено со истиот период минатата година, информираат од Полициската станица од општа надлженост во Крива Паланка во врска со преземените мерки и активности.

Привршува вакцинирањето против менингит на верниците во кумановскиот Центар за јавно здравје на верниците кои годинава ќе заминат на аџилак во Саудиска Арабија.

Пет пати повисоко во однос на августовскиот просек е нивото на реката Треска кај Македонски Брод, а тројно се зголемени нивоата на реката Пчиња кај Катлановска бања и на Црна река кај Новаци, покажуваат денешните хидролошки мерења.

Од Република Македонија на аџилак ќе заминат 672 верници кои од 11 до 15 август ќе патуваат со четири авионски чартер летови. Ова го изјави генералнот секретар на Исламската верска заедница на Македонија, Ирсал Јакупи.

Дваесет и пет заболени од мали сипаници, заклучно со 3 август, се регистрирани на територијата на Дебар, објави на својата веб страница Институтот за јавно здравје на Република Македонија.

Двајца преживеани борци од Народноослободителната борба на Македонија, Атанас Наце Златев и Раде Гогов Црноречки, на 95 години пишуваат книга за Диме Поп Атанасов - прва жртва од фашистичкиот окупатор за време на Втората светска војна во Македонија.

Гостиварскиот огранок на ДУИ ја обвини актуелната гарнитура на локалната самоуправа дека манипулира со јавните набавки и при тоа ги прекршува постапките. Градоначалникот Арбен Таравари ги отфрла овие наводи и децидно вели дека сé е според законските прописи.

Општина Гевгелија, како никогаш порано се најде во период на градежна експанзија на капитални проекти што треба да го подобрат квалитетот на живеење и, според стандардите по кои се градат, да ја доближат општината до нивото на развој во ЕУ.

Во рамките на проектот „Rural youth assisting Macedonia in EU integration“ во Делчево ќе се спроведе „Работилница за врсничка едукација за ЕУ и улогата на младите од руралните средини во поддршка на евроинтеграцијата на Република Македонија“.

Прилепскиот завод и музеј ги заврши годинашниве едномесечни конзерваторски работи на фрескоживописот во црквата „Свети Никола“ во селото Зрзе, Долненско, на кој се работи неколку години. Црквата е, всушност, во подножјето на манастирот „Свето Преображение“.