Градоначалникот на Кавадарци Митко Јанчев оствари средба со Метју Палмер, заменик помошник државен секретар во Стејт Департментот на САД за Европа и Евроазија, и со амбасадорот Џес Бејли.

Пливачите Јана Милкоска и Стефан Цветкоски се победниците на традиционалниот Илинденски пливачки маратон во категоријата до 16 години што денеска се пливаше во водите на Охридското Езеро.

Охрид шпицот на летната туристичка сезона го дочекува исполнет со гости, како оние што летуваат тука преку аранжмани на странски тур-оператори, така и со гости од земјата кои се тука за продолжениот празничен викенд.

По половина час до 45 минути се чека на граничните премини Богородица и Табановце. иако фреквенцијата на возилата е зголемена, на останатите гранични премини, од македонска страна, нема подолги задржувања за влез и излез од државата, соопшти АМСМ.

На граничниот премин Богородица денеска за излез и за влез во земјава се чека десетина минути, соопштија од дежурната служба на граничната полиција.

Општинскиот одбор на Сојузот на борците во Гевгелија денеска организираше чествување на двата историски Илиндена - 115 години од Илинденското востание и 74 години од Првото заседание на АСНОМ.

Пред Споменикот на Револуцијата во Тетово денеска беа одбележани 115 години од Илинденско востание и 74 години од првото заседание на АСНОМ.

Матицата на иселениците од Македонија и Светскиот македонски конгрес во соработка со здруженија на граѓани во потпелистерското село Трново ја одржаа традиционалната 47. Семакедонска средба.

Градот Охрид денеска ги чествува двата Илиндена со положување цвеќе пред паметниците на Илинденците и на учесниците во НОБ што загинаа во Втората светска војна.

Со низа свечености во Делчево денеска се одбележа 2. Август - Денот на двата Илиндена: 115 години од кревањето на Илинденското востание во 1903 година и 74 години од Првото заседание на АСНОМ одржано во 1944 година во манастирот „Св. Прохор Пчински“.