Јавен настан со бројни креативни и едукативни активности за сите генерации утре со почеток од 18 часот ќе се одржи на Кејот „Македонија“ во Охрид, во организација на Фондацијата за образовни и културни иницијативи „Чекор по чекор“.

Во Дебар бројот на заболени од морбили или мали сипаници достигна 24 лица, а за три се уште се чекаат конечните лабораториски анализи, информираа од дебарската подрачната единица на Центарот за јавно здравје од Охрид.

Градоначалниците од единаесетте општини од Источниот плански регион договараат регионален пристап во третирањето на комарците и на бездомните кучиња.

Итно и доследно спроведување на препораката од Комисијата на УНЕСКО за прогласување мораториум за градба на охридското крајбрежје од страна на општина Охрид беше барањето што активисти на граѓанската иницијатива „Охрид SOS“ и на здружението „Стар Лагадин“ денеска го побараа од локалната самоуправа.

Во просториите на Локална установа Градски музеј, Крива Паланка синоќа се одржа едукативна работилница за репродуктивното здравје на жените во организација на здружението „Агропаланчанка“.

Заморот се смета за една од петте фатални причини за сообраќајни несреќи. Дваесет отсто од сообраќајките што се случуваат на патиштата се поради заморот на возачите.

Бугарија лани ја посетиле 583.026 македонски граѓани, а 396.450 Бугари престојувале во Македонија, покажуваат податоците на Бугарскиот национален статитички институт.

Десеттата Летна школа за изучување мајчин јазик, проект на Агенцијата за иселеништво на Република Македонија, отворена е вчера во просториите на Конгресниот центар во Охрид.

Зголемено ниво на реките во однос на просекот за јули се бележи денеска на реката Вардар кај Јегуновце, Зајчев рид во Скопје, кај Велес, Демир Капија, на Треска кај Македонски Брод, Пчиња кај Катлановска Бања, како и на Брегалница кај Берово и Штип и на Црна река кај Новаци.

Во просториите на локалната самоуправа на општина Крива Паланка ќе биде отворена истурена канцеларија на Министерството за труд и социјална политика (МТСП).