Како што соопшти УХМР, услови за нестабилност ќе има и во скопскиот регион. Преку ноќта облачноста ќе се зголемува и претежно на истокот ќе има краткотраен дожд.

Нуркачкиот клуб „Амфора“ и Секторот за туризам и локален економски развој при Општина Охрид денеска на Градскиот плоштад организираа изложба на подводни фотографии.

Во организација на Домот на културата од Гевгелија, синоќа пред платото на градската библиотека „Гоце Делчев“ беа промовирани петте досега излезени изданија од стрип едицијата „Лифт“ која на посовремен начин ја продолжува традицијата на стрип списанието кое излегуваше од 1995 до 2001 година.

Штипската Клиничка болница неколку години наназад има недостиг на кадар. Директорот на Клиничка болница-Штип, Ален Ѓеорѓијев вели дека веќе доставил барање до Министерството за здравство за вработување на 100 лекари, медицински сестри, болничари, технички и медицински кадар.

Неколку млади луѓе од селото Сачево денеска ги крпеа дупките на патот што води од нивното село. Велат дека подолго време општина Струмица не го исполнила ветувањето дека ќе ги санира оштетувањата на овој патен правец.

Второ авионско прскање против комарци на подрачјето на Куманово ќе се изврши на 10 јули во раните утрински часови, информираат од општината.

Климатските промени се забрзани и водат кон временски екстреми како поплави, јаки суши, топлотни бранови, интензивни врнежи и бури, кои ќе стануваат вообичаени, покажуваат најновите податоци објавени од Светската метеоролошка организација.

Републичкиот совет за безбедност на сообраќајот на патиштата и Советот за безбедност на сообраќајот на патиштата на општина Охрид од утре почнуваат со превентивни активности за подигнување на јавната свест за поголема одговорност и подигнување на степенот на сообраќајната култура во сообраќајот.

Во Центарот за култура „Бели мугри“ во Кочани концерт со наслов „Музика за флејта и пијано“ одржаа флејтистката Златка Митева и пијанистката Наташа Трбојевиќ, со што започна 11. издание на културната манифестација „Петровденски конаци“.

Создавање програми за поголема социјална вклученост и вработување на тешко ранливи групи преку пилот проект во Македонија, беше целта на неколкудневната работната посета на министерката за труд и социјална политика Мила Царовска на Шпанија.