Почна поставувањето справи за рекреирање во 10 активни зони за вежбање во населбите низ Штип. Градоначалникот на Општина Штип, Благој Бочварски денеска изврши увид во реализацијата на проектот во населбата Автокоманда, каде што го промовираше и овој нов проект.

Камерниот оркестар на Битола синоќа во рамки на летниот фестивал „БитФест“ приреди концерт, незаборавна рок симофонија во која освен членовите на оркестарот, како гости учествуваа познати музичари од државата и странство.

Градоначалникот на Прилеп, Илија Јованоски денеска разговараше со сопственикот на прилепската компанија со италијански капитал „Dan Innovation“, Дарио Буци и со директорот на компанијата во Прилеп, Гоце Станоески.

Судии од кривичните оддели и јавни обвинители од сите апелациски подрачја и адвокати учествуваат на дводневната работилница на теми поврзани со специфични аспекти од кривичната постапка, што во организација на Академијата за судии и јавни обинители „Павел Шатев“, денеска почна во Скопје.

Образованието да биде ориентирано кон потребите на трудот и пазарот и да поттикне вработувања во земјата преку подобрување на стручните вештини кај младите, беше истакното на денешната регионална промоција на проектот „Образование за вработување во Македонија“ што се одржа во Струмица.

Штипското комунално претпријатие „Исар“ првиот квартал од годината го завршува со добивка. Јасминка Петешева вработена во ЈП „Исар“ денеска пред Комисијата за фианнсии при Советот на Општина Штип истакна дека добивката изнесува 33.000 денари.

Во тек е тендер за изработка проект за обиколница во Ресен, најави министерот за транспорт и врски Горан Сугарески при денешната посета на општината.

Започна бербата на најраните сорти трпезно грозје во Тиквешко. Претседателката на националната Федерација на фармери, Васе Мојсовска информираше за МИА дека во моментов се берат сортите „прима“ и „ранка”, а за некој ден ќе стартува и бербата на „кармен” и „кардинал”.

Градот Крушево со поддршката од Агенцијата за млади и спорт и од Агенцијата за промоција на туризмот, од 9 до 21 јули ќе биде домаќин на 20. Европското и 8. Светско првенство во змејарство.

Приходите на Општина Гостивар за шестте месеци од оваа година достигнаа вкупен износ од 467.660.829 денари, што претставува 44,30 отсто од планираните приходи за буџетот од 2018 година кои изнесуваат 1.055.777.000 денари.