Железничкиот сообраќај на релација Велес-Битола, кој поради сообраќајна несреќа беше во прекин од утрово, е нормализиран, информираат од Железничката станица во Велес.

Доброто управување во јавниот сектор во целина, како една од клучните претпоставки за остварување на начелото на владеење на правото и значаен сегмент во поширокиот комплекс реформи во правосудниот систем е темата на Летната школа по природно право .

Општина Гевгелија од својот буџет ќе издвои над 1,2 милиони денари за реновирање и адаптација на објектот за сместување во планинарското одморалиште Смрдлива Вода, што е во нејзина сопственост.

Нивото на Дојранското Езеро е 13 сантиметри над максималниот водостој, а на Охридското Езеро е четири сантиметри над максимумот, покажуваат најновите хидролошки мерења на Управата за хидрометеоролошки работи.

Од денеска до 7 јули во организација на Центарот за стратегиски истражувања при Македонската академија на науките и уметностите (МАНУ) со поддршка на амбасадите на САД и на Шпанија, ќе се одржи третата сесија на Охридската школа за природното право.

Во Штип денеска беа одбележани 105 години од Брегалничата битка во месноста Каленица, каде што порано имало спомен костурница, а од пред неколку години спомен обележје.

Системите за наводнување со години биле запоставени и затоа има и намалување на земјоделското производство и намалување на квалитетот.

Во велешкиот регион, каде неодамна се случи трагедијата каде во пожар настрадаа три малолетни лица од семејство во социјален ризик, има 1.132 семејства корисници на социјална помош, од кои најзагрозени се осумдесетина. Дилемата во јавноста е како и дали можело да се помогне. Истрагата се уште не е завршена, а невладиниот сектор бара одговорност.

Министерството за земјоделство, шумарство и водостопанство потпиша 14 договори за доделување концесии на риби за организирање рекреативен риболов на одделни риболовни води.

За излез од Македонија преку граничниот премин „Богородица“ времето на чекање изнесува речиси два часа, а двете страни на границата се споени со автомобили, изјавија за МИА граѓани кои се дел од долгите колони автомобили.