Во манастирот „Свети Ѓорги Победоносец“, во селото Рајчица кај Дебар заврши првата од предвидените осум смени од годинашниот летен камп по веронаука.

Возењето велосипед има здравствени придобивки, се заштитува животната средина и се учат децата на здрави навики, порачуваат од Републичкиот совет за безбедност на сообраќајот на патиштата.

Градоначалникот на општина Струмица, Коста Јаневски, попладнево оствари средба со делегација од Република Бугарија предводена од министерката за надворешни работи Екатерина Захариева.

Министерката за надворешни работи на Република Бугарија Екатарина Захариева, во придружба на бугарскиот амбасадор и конзул во нашата држава, денеска донираше пет компјутери од бугарската влада на детската градинка „Сонце“ во струмичко Ново Село.

Во Белград денеска заврши редовниот состанок на мешовитата Комисија за демаркација и одбележување на државната граница помеѓу Република Македонија и Република Србија, на кој меѓу другото било разговарано и за можностите за воведување заедничка контрола на граничните премини меѓу двете земји.

Комисија за проценки на штетите од невремето што завчера го погоди овчеполскиот регион од понеделник ќе излезе на терен и ќе врши проценки.

Поројните дождови и високиот водостој на Кочанска Река оштетија дел од цевководот на атмосферската канализација во коритото на реката во централното подрачје на Кочани.

Околу 13 часот го зафати Прилеп силно невреме проследено со пороен дожд и грмежи. Невремето траеше нешто повеќе од 40-тина минути и според надлежните наврнале околу 40 до 50 литри дожд.

Во Куманово функционираат околу 60-тина мали и средни чевларски претпријатија кои вработуваат околу 2.000 работници. Кожарската индустрија во Куманово функционира со векови наназад, со подеми и падови, но секогаш опстојува и е индустрија по која градот е препознатлив на Балканот и во Европа.

Земјоделците од штипското село Врсаково имаат големи штети на посевите од невремето што се случи пред два дена. Најголеми штети, како што велат имаат на лозовите и овошните насади, потоа на житните култури, гравот и детелината.