Локалната акциска група „Бојмија“ која неодамна беше формирана од општините од југоисточниот регион, во Богданци ја одржа првата работилница за усогласување на стратегијата за рурален развој со националните политики и програми на ИПА механизмот.

Машките обредни поворки за русалиите, презентирани преку слика, збор и оро, вечер ќе бидат претставени пред гевгелиската публика во рамки на проектот „Русалија ќе одум“ на Никола Арнаудов и Антонио Стојчевски од музичко балетскиот училишен центар „Илија Николовски-Луј“ од Скопје.

Од денеска до 9-ти јули годинава сите кои сакаат да градат нови или да ги ревитализираат старите рибници и пунктови ќе може да аплицираат за добивање средства преку „Програмата за рибарство и аквакултура“ .

Националната установа Универзитетска библиотека „Св.Климент Охридски“-Битола ја одржа 13. роднокрајна средба на битолските писатели во Македонија кои годинава разговараа на тема „Моите емотивни изблици преточени во збор“.

Околу 240 пензионери од градовите од Македонија, Србија и Бугарија учествуваат на третата меѓународна манифестација „Пензионерите пеат“ што се одржува денеска во кумановскиот Центар за култура „Трајко Прокопиев“, информираше претседателот на кумановското здружение, Спирко Николовски.

Околу 1.500 граѓани на Охрид пројавиле интерес активно да се вклучат во големата еколошка акција „Мој Охрид, чист Охрид“ што денеска ќе биде спроведена на пошироката територија на градот и долж источното крајбрежје на Охридското Езеро.

Целта е поактивна и почеста употреба на велосипедот како превозно средство, како и поголема едукација на младите, со што директно ќе се влијае на подигнување на свесноста за здрави животни навики и позитивни сообраќајни ставови.

Македонски железници Транспорт АД Скопје им предлага на Грчките железници (TRAINOSE ) да се воведат возови на релација Скопје-Солун со можност во летниот период за продолжување до Платамона, како и за железничка врска Битола-Солун преку Лерин.

Во средните училишта во Македонија денеска од 10 до 14 часот ќе се полага испитот по мајчин јазик и литература во јунскиот испитен рок. Македонски јазик ќе полагаат 10119 матуранти, албански 4 474, а 373 се пријавени за турски јазик.

Раководителот на Секторот за соработка на Делегацијата на Европската Унија во Скопје Никола Бертолини денеска во Кичево на средба со претставници на граѓанските организации во Кичево се запозна со нивните активности и ги претстави плановите за насочување на средствата од ЕУ за поддршка на неразвиените региони.