Нивото на Охридско Езеро е 19 сантиметри над дозволениот максимален водостој, додека на Дојранското Езеро е 15 сантиметри повисоко.

- Непостоењето слободна економска зона, де факто ги дестимулира инвеститорите, било да се домашни, странски, па и оние од дебарската дијаспора да инвестираат во Дебар.

Поради зголемена фреквенција на возила попладнево на граничните премини Богородица и Дојран, на македонско-грчката граница, за влез во држава се чека половина до еден час.

Традиционалното 37-мо искачување на „Титов Врв“ во организација на планинарскиот клуб „Љуботен“ од Тетово по маркираната патека „Вакуф“ почна утрово во 6:30 часот од платото пред хотелот „Попова Шапка“ и се очекува пешачењето до највисокиот врв на Шара да трае околу четири до 4,5 часа.

Непознати сторители напишале погрдни графити на спомен плочата на поранешниот претседател на СФРЈ, Јосип Броз Тито на градскиот плоштад во Куманово.

Во Скопје пристигна ЕУ-автобусот кој е дел од Европската кампања за гарантирани шеми за минимален приход во која е вклучена и Македонија. Целта на кампањата е донесување закон за минимален приход во Македонија заради поквалитетен живот на луѓето и нивно извлекување од сиромаштијата.

Серија земјотреси во охридско преспанскиот регион регистрираше по полноќ Сеизмолошката опсерваторија при Природно-математичкиот факултет во Скопје. Епицентрите на земјотресите биле на 85 километри југозападно од Скопје и потекнуват од епицентрално подрачје Дебарца.

Тројца планинари од Здружението за планинарење и заштита на планината „Калин Камен“, Крива Паланка се искачија на врвот Атос на Света Гора, во Грција, висок 2.033 метри.

Членови на Советот на Општина Охрид, вработени во Заводот за кардиоваскуларни заболувања, како и активисти на „Лајонс“ и „Ротари“ клубовите од Охрид прифатија покана активно да бидат вклучени како волонтери задолжени за освежителните станици.

Со пристигнувањето на автобусот на ЕУ, кој тргна од Брисел и ќе посети земји членки и земји кандидати за членство, беше означен почетокот на кампањата со потпишување на автобусот и петиција за донесување закон за минимален приход во Македонија.