Со две возила и седум пожарникари, Противпожарната единица на Град Скопје интервенираше на дојава од граѓани дека излегува црн чад и непријатна миризба од стан во Аеродром.

Албанската полиција, во близина на граничниот премин Ќафасан, на албанско-македонската граница, кај Струга спречи шверц на поголема количина марихуана,чија крајна дестинација била Македонија.

Скопјанец вчера пријавил во полициска станица дека во понеделникот бил вербално нападнат од лице кое дошло во Советот на јавни обвинители и барало да му биде обезбеден адвокат по службена должност за негова одбрана.

Кумановската полиција до обвинителството, поднесе кривична пријава против 44 годишниот кумановец И.А. поради сомение дека извршил кривични дела „измама“ и „оштетување туѓи права“, соопшти денеска, СВР Куманово.

СВР Тетово поднесе кривична пријава против триесетгодишна жителка на струшкото село Горно Татеши поради основано сомнение дека сторила кривично дело „злоупотреба на лични податоци“.

Осумаесетгодишниот С.Г. од Скопје вчера нападнал полициски службеник додека бил легитимиран, по што бил приведен во полициската станица во Карпош.

Против тројца малолетници, двајца од Тетово и еден од Озормиште, СВР Тетово поднесе кривична пријава поради основано соменение дека се сторители на 13 кривични дела од кои шест „тешки кражби“, три „тешки кражби во обид“ и четири „кражби“, информираа од тетовската полиција.

Почина 15-годишниот средношколец Мустафа Седат, кој пред 12 дена беше прегазен на пешачкиот премин на булеварот “Гоце Делчев” во Штип.

По поднесена кривична пријава од страна на МВР Полициската станица Прилеп, во Основното јавно обвинителство Прилеп поведена е постапка против едно лице, државјанин на Република Албанија, поради постоење основано сомневање дека сторил кривично дело тешка кражба. Судијата на претходна постапка при Основниот суд Прилеп му определи мерка притвор во траење до осум дена.

Две лица се потешко, а три полесно повредени во вкупно пет сообраќајни незгоди што се случиле изминатите 24 часа на подрачјето на Град Скопје. Во шест сообраќајќи е причинета материјална штета.