Петтмина се затруле откако јаделе во мензата во скопска Пивара и завршиле на Клиниката за инфективни болести, од кои двајца се хоспитализирани, додека тројца се третираат амбулантски, дознава „Фокус“.
Тројца малолетници и 44-годишен скопјанец вчера физички се нападнати од две машки лица во автобус број 33 на ЈСП.
Надзорник од Казнено-поправната установа Идризово вчера бил нападнат од осуденик додека вршел служба во амбулантното одделение.
Петнаесетгодишен малолетник вчера бил физички нападнат од друг малолетник на булеварот „Трета македонска бригада“.
Едно лице загина, а четворица се повредени во сообраќајна несреќа што се случи изутрината околу шест часот на излезот од Струга, во правец на село Мислешево.
Охридската полиција поднесе кривични пријави против две лица од Скопје, кои минатиот месец ограбија старица во нејзиниот дом во Охрид каде привремено престојувале во изнајмена соба.
Секторот за внатрешни работи Скопје – Единица за економски и компјутерски криминал со кривична пријава до надлежното ОЈО Скопје го предаде инспекторот на Управата за јавни приходи, осомничен за примање поткуп.
На возач на трактор од кочанското село Двориште му е определена мерка притвор во траење од 30 дена постоење основано сомневање дека сторил кривично дело – Тешки дела против безбедноста на луѓето и имотот во сообраќајот од чл.300 ст.2 во врска со чл.297 ст.1 од Кривичниот законик. Основното јавно обвинителство Кочани донесе наредба за спроведување истражна постапка.
Изутринава околу 3 часот биле испукани неколку куршуми кон хотелот ,,Александар палас” во Скопје. Повредени нема, оштетени се неколку прозорци и фасадата, информира МВР.
Одделот за сузбивање организиран и сериозен криминал – Единица за сериозен криминал и тероризам, до Основното јавно обвинителство за гонење на организиран криминал и корупција – Скопје, поднесе кривична пријава против Г.А.(27) од Штип осомничен за сторени кривични дела „злосторничко здружување“ и „прикривање“.
