Одделот за сузбивање на организиран и сериозен криминал до Основното јавно обвинителство за гонење на организиран криминал и корупција – Скопје, поднесе кривична пријава против скопјанецот С.Т.(44) поради постоење основи на сомнение за сторено кривично дело „злоупотреба на службена положба и овластување“.

На планината Беласица од страната на Валандово денеска избувна пожар Огнената стихија споро се шири кон делот на планината што гравитира кон Струмица.

Засега непознати сторители во точно неутврден период изминатите десеттина дена со камења скршиле и оштетиле седум прозорски стакла на црквата „Свети Атанасиј“ што се наоѓа на тетовското Кале информираше портпаролот на СВР Тетово Марјан Јосифовски.

Против 27-годишниот скопјанец Д.Д., Регионалниот центар за Гранични работи „Југ“ поднесе кривична пријава поради постоење основи на сомнение за сторено кривично дело „криумчарење на мигранти“.

Во изминатото деноноќие во гостиварско се регистрирани два случаи на повреда при работа. Во едниот повреден е дрвосечач, а во вториот, тешко повреден е градежен работник.

Најмалку 44 рации и апсења во Белгија и 13 во странство, вклучително и Македонија, се спроведени во рамки на истрагите на повеќе белгиски полициски единици за наместени фудбалски натпревари. Ова е веста што ја соопштија белгиските власти денеска околу пладне.

Жена пешак е потешко повредена откако вчера во неа удрил велосипед на улицата „Народна Револуција“ во Куманово.

Жителка на струшкото село Шум доби кривична пријава од надворешната канцеларија за криминалистички работи - Струга за „запуштање и малтретирање на дете“ и „кражба“.

Десет сообраќајни незгоди се случиле вчера во Скопје. Во сообраќајките со телесни повреди се здобиле три лица, а во седум е причинета материјална штета.

Македонското Министерство за надворешни работи попладнево информираше дека добило телефонска потврда од полицијата во Јагодина, Србија, дека во денешната сообраќајна несреќа на автопатот Белград-Ниш, меѓу загинатите има и двајца македонски државјани.