Полицијата ќе поднесе кривична пријава против лице кое на „Фејсбук“ му се заканувало со убиство на премиерот Зоран Заев. Од МВР известуваат дека во изминатиов период се детектирани шест кривични дела за закани кон претседател на Владата.

Маж на возраст од околу 50 години утрово е пронајден мртов на плочникот кај месарниците пред Зелено пазарче во Скопје.

Едeн пешак е потешко повреден, а три лица се здобиле со полесни повреди во четири сообраќајки што се случија изминатите 24 часа на подрачјето на Град Скопје. Во три сообраќајни незгоди е причинета материјална штета.

Новинарот Зоран Милошески од Прилеп кому ноќеска му беше запалено возилото бара надлежните што поскоро да ги откријат сторителите за овој и за случајот од пред една година, кога му беше запалена гаражата.

Во две црни вреќи, а по претходно добиени сознанија, полицијата вчера пронашла девет и пол килограми марихуана кај местото викано „Раички Мост во Дебар. Според полицијата, осомничен за дрогата е дебарец добро познат на органите на прогонот.

Пешак е тешко повреден, а осум лица се полесно повредени во шест од вкупно десет регистрирани сообраќајни незгоди во изминатите 24 часа на подрачјето на СВР Скопје. Во четири сообраќајки е евидентирана само материјална штета.

– На Граничен премин аеродром „Александар Велики“ – Скопје, од страна на обезбедувањето на аеродромот, во тоалетот, бил пронајден В.M. (52) од Велика Британија, кој не давал знаци на живот, соопшти МВР.

Дваесет и пет годишната Е.С. пријавила дека вчера попладне била физички нападната од нејзиното поранешно момче И.А. во скопско Волково.

Во полициската станица Аеродром, Е.Г. (36) од Скопје вчера пријавила дека нејзиниот шестгодишен син откако го зела од градинка забележала дека на десниот образ има оток. Детето кажало дека неговата воспитувачка го удрила неколку пати по десниот образ.

Дваесет и тригодишниот Д.Р. од Прилеп вчера 20 минути се борел со водата во канал за наводнување за да го спаси својот 59-годишен колега Л.М. од Неготино, кој претходно при трасирање на гасовод, во атарот на селото Шивец, паднал во отворениот канал и почнал да се дави.