Американскиот претседател Доналд Трамп синоќа изјави дека е можно за време на неговата средба со севернокорејскиот лидер Ким Џонг-ун на 12 јуни во Сингапур, да биде потпишан договор за ставање крај на Корејската војна од почетокот 50-те години на минатиот век.

Американсиот претседател Доналд Трамп ги обвини Франција и Канада дека воведуваат „строги царини“ кон САД и дека создаваат немонетарни бариери против трговијата.

Бројот на загинати при ерупцијата на вулканот Фуего во Гватемела, што започна во неделата, се искачи на 109 лица, додека уште околу 200 други се водат како исчезнати.

Економскиот раст, трговијата, мирот и безбедноста, еднаквоста меѓу половите, климатските промени и чистата енергија ќе бидат главни теми на дводневниот Самит на Групата седум индустриски најразвиени земји во светот (Г-7), што почнува денеска во канадскиот град Ла Малбе.

Машко лице од југоисточна Франција вторпат во две години ја добива премијата од еден милион евра на лото, а според стручњаците шансите ова да се случи се еднаш во 16 трилиони.

Романија се соочува со најголемата криза на работна сила од 1990 година, а експертите тврдат дека тој дефицит е пострашен од финансиската криза во земјата, пишува денеска романскиот весник „Романија либера“.

Турската Цетрална банка ја зголеми основната каматна стапка на 17,75 отсто од 16,5 отсто, што претставува второ покачување по драстичниот пад на лирата.

Израел е подготвен да ги нападне позициите на проиранските групи во Сирија, но исто така и единиците на сириската армија, изјави денеска израелскиот премиер Бенјамин Натанјаху во обраќање во седиштето на лондонската тинк тенк организација „Полиси ексчејнџ“.

Европската комисија е отворена за сите предлози околу прашањето за миграцијата, соопшти денеска претставник на извршното тело на ЕУ, коментирајќи ги предлозите за отворање кампови за сместување на мигрнатите надвор од територијата на Европа.

Три лица, од кои двајца сериозно, се повредени денеска при експлозија во фабрика за производство на изолациски материјали во централниот дел на Франција.