- Движењето пет ѕвезди и Лигата постигнаа договор за формирање политичка влада на чело со Џузепе Конте како премиер, се наведува во заедничкото соопштение на лидерите на М5С и Лигата, Лујџи Ди Мајо и Матео Салвини.

Американскиот претседател Доналд Трамп денеска изјави дека можеби ќе биде потребно да одржи повеќе од една средба со севернокорејскиот лидер Ким Џонг-ун, за да постигнат договор за денуклеаризација.

- Состанокот помина добро. Постигнат е напредок, изјави високиот претставник на Стејт департментот, по крајот на разговорите, што завршија два часа порано од предвидено.

Шпанскиот премиер Маријано Рахој не планира да поднесе оставка на функцијата во пресрет на утрешното гласање за недоверба на неговата Влада, соопшти доцна попладнево претставник на шпанскиот владин Кабинет.

Вршителот на должноста премиер на Чешка, Андреј Бабиш денеска најави дека на 6 јуни чешкиот претседател Милош Земан повторно ќе го именува на премиерската функција.

Европската комисија веднаш се огласи со реакција на најавата на САД дека ќе воведат дополнителни царини на увозот на челик и алуминиум од ЕУ, најавувајќи дека утре во Светската трговска организација (СТО) ќе покрене правна постапка за оваа американска одлука.

Преговорите со Северна Кореја во Њујорк беа многу позитивни, изјави денеска американскиот претседател Доналд Трамп и додаде дека делегацијата од Пјонгјанг утре ќе го посети Вашингтон и ќе му достави писмо испратено од севернокорејскиот лидер Ким Џонг-ун.

Царините што САД најавија дека ќе ги воведат за увоз на алуминиум и челик од утре стапуваат на сила за Европската Унија, Канада и Мексико, соопшти американскиот секретар за трговија Вилбур Рос.

Преговорите меѓу Шри Ланка и Кина за договор за слободна трговија денеска беа прекинати, откако двете страни не можеле да постигнат договор откако Шри Ланка инсистирала да има право да го преиспита договореното по истекот на 10 години.

Бројот на електрични превозни средства на светско ниво пораснал на рекордни 3,1 милион возила во 2017 година, но потребни се уште истражувања за тој број да се зголемува, изјави денеска Меѓународната агенција за енергетика.