Франција и Велика Британија предлагаат едномесечен прекин на огнот во Украина „во воздух, на море и на енергетската инфраструктура, изјави синоќа францускиот претседател Емануел Макрон.

Американскиот претседател Доналд Трамп потпишал 79 претседателски укази за 40 дена, што е рекорд, јавија француските медиуми, според податоците од Федералниот архив на САД.

Американскиот носач на авиони „УСС Карл Винсон“ вплови во јужнокорејското пристаниште Бусан, неколку дена откако Северна Кореја тестираше крстосувачки ракети.

Важно е Канада да е тука со нашите сојузници додека разговараме за одбраната на Украина. Секој има важна улога во овој заеднички напор, изјави канадскиот премиер Џастин Трудо, по Самитот за Украина во Лондон.

Генералниот секретар на НАТО, Марк Руте по Самитот во Лондон изјави дека голем број земји најавиле зголемување на расходите за одбраната. Тој истакна дека е „многу добра вест“ што повеќе европски земји ќе го зголемат вложувањето во одбраната, но не откри кои се тие држави.

- Нашата почетна точка мора да биди ставање на Украина во најсилна можна позиција до сега, наведе британскиот премиер.

- Во разговорите изминатите денови се договоривме да работиме со Украина на план за запирање на борбите, а потоа ќе разговараме со САД за заедничко развивање на планот, посочи Стармер.

Стотици луѓе се собраа пред канцеларијата на британскиот премиер Кир Стармер и собирот за поддршка на Украина го почнаа со интонирање на украинската химна.

Либерална партија Неос на референдум одлучи да биде дел од австриската коалициска влада составена од Австриската народна партија (ОВП) и Социјалдемократската партија на Австрија (СПО).

Според анкетата, 57 проценти од испитаниците сметаат дека реформите во јавниот сектор треба да се насочат кон дигитализација, наспроти 28 проценти кои велат дека се потребни обуки и нови вработувања во јавниот сектор.