Уште пет бродови со жито испловија утрово од украинските пристаништа, соопшти турското Министерство за одбрана, јави Анадолија.

Десет лица загинаа во два воздушни напади што утринава беа извршени врз Мекеле, главниот град на областа Тиграј во Етиопија, изјави директорот на централната градска болница Кибром Гебреселаси.

Директорот на американската биотехнолошка компанија Модерна, Стефан Бансел изјави дека разговарал со претставници на кинеската Влада за снабдување на Кина со вакцини против коронавирусот.

Еден од врховните судови на Европската Унија -Европскиот суд на правадата, денеска ја поддржа казната од четири милијарди евра за компанијата „Гугл“ поради кршење на законот за заштита на конкуренција, донесена во 2018 година.

Германската држава ги продаде останатите акции што ги поседуваше во авиокомпанијата „Луфтханза“, каде влезе со 20 отсто акции во 2020 година, за време на планот за нејзино економско спасување поради пандемијата со коронавирусот.

Во планот се предлага неколку европски земји, покрај САД, Канада, Австралија и Турција, да бидат гаранти на безбедноста на Украина и да се продолжат напорите за влез во НАТО.

Весникот повикувајќи се на неименувани американски извори наведува дека летово имало воени вежби помеѓу украински и американски војници и како резултат на тие симулации било одлучено дека претходно планираната контраофанзива на југ би била осудена на неуспех.

На киргистанско-таџикистанската граница утрово имаше престрелка помеѓу граничарите на двете земји, соопшти пограничната служба на Киргистан.

Бразилскиот претседател Жаир Болсонаро изјави дека ќе се повлече од политичкиот живот, доколку изгуби на изборите во октомври.

„Вие сте иднината на нашата Унија“, им порача Урсула фон дер Лајен на народите од Молдавија, Украина, Груција и земјите од Западен Балкан – кандидати за членство во ЕУ, јави дописникот на МИА од Стразбур.