Осомничениот за убиството на поранешниот јапонски премиер Шинѕо Абе, 41-годишниот Тецуја Јамагами признал дека пукал со рачно изработен пиштол, соопшти јапонската полиција на прес-конференција.

Шефицата на германската дипломатија Аналена Бербок го обвини рускиот министер за надворешни работи Сергеј Лавров дека одбил да учествува во разговорите, откако порано од предиденото го напушти состанокот на министрите за надворешни работи на Г-20 на Бали, јави ДПА.

Советот на Руската Федерација (Горниот дом на Парламентот) им забрани на британските дипломати, вклучително и на амбасадорот, да влезат во зградата на Парламентот.

Аџии облечени во бели облеки се искачија на Брдото на милоста, од каде се гледа кон рамнината Арефат, каде што пророкот Мухамед го одржал својот последен говор.

Продолжува растот на Ковид-19 инфекции во Велика Британија, покажуваат податоците на Канцеларијата за национална статистика, јави Би-би-си.

„Русија користи различни инструменти за да не уништи. Нејзината цел не е само Украина, туку Европа како најважна цел, тие сакаат да ја скршат Украина, но и европската стабилност“, рече Зеленски, говорејќи преку видео врска од, како што рече, локација блиску до фронтот.

Бидејќи добија зголемување на платите, вработените на париските аеродроми денеска одлучија да го прекинат штрајкот. Одлуката за прекин на штрајкот е донесена пред официјалниот почеток на летниот одмор во Франција.

Во втората трка со бикови во Памплона во рамки на Фестивалот Сан Фермин, денеска се повредени шест лица.

Шефот на руската дипломатија Сергеј Лавров го напушти министерскиот состанок на Групата Г-20 додека германската министерка за надворешни работи Аналена Бербок од говорницата ја критикуваше Москва заради војната во Украина.

Руското Министерство за одбрана денеска информираше за уништени два противбродски ракетни система „Харпун” од страна на руските сили.