Директорката за комуникации на Белата куќа, Кејт Бедингфилд, рече дека САД имаат докази дека руската инвазија на Украина е „стратешка катастрофа" за Русија.

Портпаролот на Пентагон Џон Кирби изјави дека пратката содржи противтенковско оружје „Џавелин", противвоздушни ракетни системи „Стингер", панцири, медицински и други материјали.

САД наметнаа санкции против технолошки компании и лица од Русија во обид Кремљ да се спречи да ги избегнува санкциите наметнати од Запад, се вели во соопштение од американскиот Стејт департмент.

Претседателот на САД, Џо Бајден, ќе објави денеска за испуштање на еден милион барели нафта дневно, или вкупно 180 милиони барели, од стратешките резерви на САД за да се спречи понатамошно зголемување на цените на горивото.

Руското Министерство за надворешни работи денеска соопшти дека ќе ја прошири својата листа на личности од ЕУ на кои им е забранет влез во државата, како одговор на санкциите воведени кон Москва поради нејзините воени дејствија во Украина.

Германскиот канцелар, Олаф Шолц, изјави денеска дека западните земји ќе продолжат да плаќаат за рускиот гас во евра или долари и покрај заканата на Кремљ дека ќе го прекине снабдувањето доколку не се плаќа во рубљи.

Пентагон соопшти дека првите неколку пратки оружје и друга безбедносна помош пристигнале во Украина како дел од пакетот помош од 800 милиони американски долари одобрен од претседателот Џозеф Бајден на 16 март.

Британскиот министер за одбрана Бен Валас во интервју за Скај Њуз ја коментираше војната во Украина при што рече дека рускиот претседател Владимир Путин „повеќе не е онаква сила каква што бил“.

Турскиот претседател Реџеп Таип Ердоган денеска рече дека е решен да разговара со украинскиот и рускиот лидер и да ги седне на иста маса за да се стави крај на крвопролевањето, јави агенцијата Анадолија.

Указот потпишан од Путин предвидува купувачот на гас да има две сметки во руска банка, на една да уплати евра или долари и да ја овласти банката таа валута да ја претвори во рубљи кои се префрлаат на друг начин. Гасот официјално се купува од таа друга сметка, во рубљи.