Воен авион се урна околу пладне во северна Италија, при што загина британски пилот, а друг е повреден, соопшти групацијата „Леонардо“.

Оперативната група за руски елити, помошници и олигарси (РЕПО) која беше најавена од САД, Австралија, Канада, Германија, Франција, Јапонија, Велика Британија и ЕК, денеска започнува со работа, соопшти американското Министерство за правда.

Поглаварот на Руската православна црква, патријархот Кирил, денеска разговарал за конфликтот во Украина со англиканскиот надбискуп од Кентербери, Џастин Велби, се вели во соопштението на руската црква.

На вонреден состанок, Комитетот на министрите на Советот на Европа одлучи, според постапката започната според член 8 од Статутот на Советот на Европа, Руската Федерација да престане да биде членка на Советот на Европа од денес, 26 години по нејзиното пристапување, јави дописникот на МИА.

Полицијата наведува дека панцирите, донирани од полициски оддели, биле украдени од канцеларијата на Украинскиот конгресен комитет на Америка и Украинската национална женска лига на Америка на Менхетен.

Здравствени установи се повеќе стануваат мета во војната, предупреди денеска Светската здравствена организација (СЗО), нагласувајќи дека украинскиот здравствен систем функционира, но му треба поддршка.

„Премиерот и престолонаследникот се согласија да работат заедно за одржување на стабилноста на енергетскиот пазар и продолжување на преминот кон обновливи извори на енергија и чиста технологија“, се вели во соопштението.

Бајден денеска во Вашингтон изјави дека рускиот претседател Владимир Путин е „воен злосторник“ поради инвазијата што ја започна врз Украина. Тоа е прва таква квалификација од Бајден за Путин откако Русија почна со инвазија врз Украина

„Тој е воен злосторник“, изјави Бајден пред новинарите во обраќањето во Белата куќа. Тој, исто така, го обвини рускиот претседател за „силно уништување во Украина“, бомбардирање згради, породилишта и болници.

Истрагата на француските специјализирани обвинители за антитероризам ќе ги испита можните обвиненија за предизвикување „намерна повреда на лице заштитено со меѓународното право“ и „намерен напад врз цивил кој не учествувал во воените дејствија“.