По санкциите на Европската унија против Москва поради руската инвазија врз Украина, Русија го прекинува лансирањето од космодромот Куру во Француска Гвајана, објави денеска руската вселенска агенција Роскосмос, јави дописникот на МИА.

Во двата дена од руската инвазија врз Украина, убиени се над 3.000 напаѓачи, повеќе од 200 војници се заробени, а овие бројки постојано растат. Непријателот се предава, изјави денеска украинскиот министер за одбрана, Олексиј Резников, пренесен од државната Укринформ.

Украинската служба за државна безбедност (СБУ) денеска ја демантираше информацијата дека руски хеликоптери слетале во областа на градот Лавов, на западот на Украина.

Владата на Словачка денеска прогласи вонредна состојба поради приливот на странци во земјата, јавуваат словачките медиуми.

Руските сили почнаа денеска да напредуваат во Украина, откако претседателот Владимир Путин воведе прекин во офанзивата еден ден претходно, очекувајќи разговори со Киев кои не се одржаа, објави Кремљ.

Турскиот министер за надворешни работи Мевљут Чавушоглу телефонски разговарал со рускиот колега Сергеј Лавров, притоа повикувајќи го за прекин на воените операции во Украина, јави турската приватна телевизија НТВ.

Француските префекти се повикани на „будност“ пред „висок ризик“ од кибер напади и не смеат да го напуштат своето работно место, во контекст на руската инвазија во Украина, се вели во белешката која ја пренесоа повеќе француски медиуми.

Украинскиот претседател, Володимир Зеленски, денеска изјави дека во Украина има повеќе од 100.000 руски окупатори, јави украинската државна агенција Укринформ.

Холандија и Норвешка денеска одлучија да ги преместат своите амбасади од Украина во Полска поради руската инвазија, придружувајќи се на слични одлуки од некои други европски земји, како што е Шведска.

Министерката за надворешни работи Лиз Трас имаше средба со Келин во четвртокот по руската инвазија.