Швајцарската Влада денеска соопшти дека се воздржува од воведување санкции против Русија, кои беа усвоени од ЕУ и оти за нив ќе одлучи откако ќе ги разгледа.

Преговорите во Виена за повторно активирање на иранскиот нуклеарен договор се во „критична“ фаза и остануваат да се решат неколку „важни“ прашања, изјави денеска иранскиот министер за надворешни работи Хосеин Амир -Абдолахиан.

Американскиот претседател Џо Бајден најави дека САД ќе и се приклучат на Германија во воведување санкции за рускиот проект за природен гас „Северен тек 2“ како дел од санкциите против Москва.

Во Москва на 24 март треба да се одигра баражот за пласман на Светското фудбалско првенство меѓу Русија и Полска, а веќе се слушаат гласини дека натпреварот би требало да се одигра на неутрален терен.

Украинската армија исто така соопшти дека шест војници биле повредени во гранатирањето, пренесуваат западни агенции.

На 25 март во текот на целиот ден во Париз метрото, автобуските и РЕР линиите треба да бидат во прекин. Синдикатите се состануваат во петок за да одлучат за условите на движењето, јави дописникот на МИА.

Италијанската Влада на 31 март ќе ја укине вонредната состојба воведена поради коронавирусот, изјави денеска италијанскиот премиер Марио Драги.

Францускиот министер за надворешни работи Жан-Ив Ле Дриан денеска изјави дека Париз не го отфрла нормандискиот формат за решавање на украинската криза и дека тој се уште постои.

Американската амбасадорка во ОН, Линда Томас-Гринфилд, денеска, на Генералното собрание на ОН кажа дека руската инвазија на Украина може да создаде до пет милиони нови бегалци.

Светската здравствена организација денеска соопшти дека основала центар за обука во Јужна Кореја за земјите со низок и среден приход кои сакаат да произведуваат свои вакцини и лекови против коронавирус.