Градоначалникот на Киев, Виталиј Кличко, денеска изјави дека властите на украинската престолнина го одобрија планот за евакуација во случај на руска инвазија, соопшти прес-службата на градоначалникот.

Американскиот прв дипломат уште еднаш истакна дека Вашингтон и неговите сојузници „брзо ќе воведат строги и големи санкции против Русија доколку таа ја нападне Украина“, што според него може да се случи „во секој момент“.

Американскиот претседател Џо Бајден и рускиот претседател Владимир Путин денеска треба да имаат нов телефонски разговор, додека стравувањата дека Русија може да ја нападне Украина стануваат се поконкретни.

Во Германија утре се избира нов претседател, а актуелниот претседател Франк-Валтер Штајнмаер има најдобри шанси да остане на највисоката политичка функција во земјата и во следните пет години.

Австрија продолжува со олеснување на ограничувањата против Ковид-19, што значи дека граѓаните од следната сабота ќе мора маски да носат само во продавници и музеи.

Австралија и Нов Зеланд денеска им се придружија на неколкуте западни земји кои ги предупредија своите граѓани веднаш да си заминат од Украина, бидејќи се зголемени стравувањата од руска инвазија, јави ДПА.

Според изјави на украински граѓани, руските дипломати и конзуларни службеници во Украина почнале да заминуваат за Русија, а за тоа сведочеле тешкотиите што настанувале при закажување термини во конзулатите и амбасадата.

Најновите сателитски податоци покажуваат дека бројот на исечени стебла во бразилскиот дел на Амазонија во јануари го надминал бројот од истиот месец минатата година, јави Би-Би-Си.

Главниот судија на Високиот суд во Онтарио вчера нареди деблокирање на сообраќајот на копнената граница меѓу САД и Канада, што беше запрена од демонстрантите против пандемиските ограничувања.

Независна истрага објавена вчера покажа дека речиси 40 години уште една група момчиња во католички интернат во Германија биле редовно изложени на физичко, сексуално и психичко малтретирање.