Главниот град на Литванија, Вилнус, претстави официјален план за евакуација во случај на воен конфликт.

Саудиска Арабија и Индија постигнаа договор за унапредување на соработката во снабдувањето со сурова нафта и течен нафтен гас, се наведува во заедничката изјава на саудискиот престолонаследник Мохамед бин Салман и индискиот премиер Нарендра Моди.

Во украинскиот град Харков отворено е уште едно училиште под земја. Во Харков тоа е четврто училиште под земја, сместено во специјално изградено засолниште од радијација.

Министерот за надворешни работи на Велика Британија, Дејвид Лами, изјави дека денешните разговори со украинските претставници во Лондон биле „многу корисни“ и дека се одржале во „критичен момент за нашата безбедност“.

Портпаролот на Кремљ, Дмитриј Песков денеска изјави дека средбата на министрите за надворешни работи на Велика Британија, Франција и Германија, САД и Украина е откажана бидејќи не се согласуваат за клучните прашања.

Секој мировен договор меѓу Русија и Украина мора да го гарантира територијалниот интегритет на Украина, соопшти денеска Елисејската палата.

Сеопфатните царини наметнати од американскиот претседател Доналд Трамп и одмаздничките мерки од другите нации придонесуваат за влошување на глобалната фискална перспектива, предупреди денеска Меѓународниот монетарен фонд (ММФ).

Данскиот крал Фредерик ќе ја посети полуавтономната територија Гренланд на 28 април, јави гренландскиот весник „Сермитсиак“, кој се повикува на информации од тамошната влада.

Светскиот економски форум поведе истрага против својот основач и долгогодишен претседател Клаус Шваб поради евентуални малверзации.

Американскиот државен секретар Марко Рубио ја откажал посетата на Лондон, каде денеска се одржуваат средби за постигање мир во Украина, поради изјавата на украинскиот претседател Володимир Зеленски дека Киев во ниту една мировна спогодба нема да признае дека Крим е руски.