Американскиот претседател Доналд Трамп не планира да присуствува на погребот на републиканскиот сенатор Џон Мекејн, кој почина вчера, пишува весникот „Њујорк тајмс".

Германската новинарка од турско потекло Мешале Толу (33) денеска се врати во Германија од Турција, откако оваа недела турскиот суд и ја укина забраната за патување.

Осум лица, од кои шест деца, загинаа во пожар во Чикаго, соопштија денеска од пожарната служба.

Австрискиот претседател Александар ван дер Белен денеска изјави дека европската перспектива на Западен Балкан е важен приоритет на надворешната политика на неговата земја, особено за време на актуелното претседавање со ЕУ, и дека не очекува дека би можело да дојде до проблеми кога во австрискиот парламент ќе се гласа за приемот на Србија во Унијата.

Лидерот на Исламската држава во Авганистан, Абу Сад Ерхаби е убиен при напад врз џихадистичкото засолниште во провинцијата Нангархар, соопштија денеска авганистанските власти.

Стотици политичари се поканети денеска на свадбата на Валентин Драгнеа, син на лидерот на романските социјалдемократи Ливиу Драгнеа, а илјадници луѓе на Фејсбук изразија подготвеност да учествуваат во протест пред црквата, во која ќе се одржи венчавката.

Најмалку 329 илегални мигранти биле уапсени во источниот и западниот дел на Турција, соопштија вчера извори од безбедносните сили.

Раководителот на италијанската Агенција за лекови Стефано Вела поднесе оставка во знак на протест поради острата политика на Владата во врска со мигрантските прашања, објавија италијанските медиуми.

Голем шумски пожар го зафати денеска турскиот округ Хатај, но засега нема опасност огнот да стигне до населените места во реонот, изјави претставникот на локалните власти Музафер Кетмен.

Претседателот на Зимбабве, Емерсон Мнангагва денеска положи заклетва, откако неколку недели претходно опозицијата ја оспоруваше законитоста за неговиот избор.