Американскиот сенатор Џон Мекејн одлучи да го прекине лекувањето од агресивна форма на тумор на мозокот, соопшти денеска неговото семејство, една година откако виетнамскиот воен ветеран соопшти за својата болест.

ЕУ ќе зажали заради својот план за економска помош за Иран, предупреди денеска премиерот на Израел Бенјамин Нетанјаху, јави ДПА.

Финансискиот директор на Организацијата Трамп Ален Вајселберг од обвинителството доби имунитет од евентуално судско гонење во замена за сведочење во случајот против поранешниот личен адвокат на претседателот Трамп - Мајкл Коен, објави весникот „Волстрит џурнал".

Шпанската Влада денеска усвои декрет со кој се овозможува преместување на посмртните останки на поранешниот диктатор Франсиско Франко од мавзолеј близу Мадрид.

Спасените мигранти, кои неколку дена се наоѓаат на брод на италијанската крајбрежна стража во пристаниште на Сицилија, денеска почнаа штрајк со глад, соопшти опозицискиот сенатор Давид Фараоне.

Претседателот на САД, Доналд Трамп продолжува да добива лоши оценки од мнозинството Американци кога станува збор за неговиот целокупен ангажман, иако доби релативно добра оценка за економската политика, покажуваат резултатите од најновата анкета на Асошиејтед прес и НОРЦ Центарот за истражување на јавните прашања.

Перспективите на Украина за членство во НАТО зависат од исполнувањето на голем број политички и воени услови, изјави пред новинарите во Киев советникот на претседателот на САД Доналд Трамп за националната безбедност Џон Болтон.

Вулканот Етна на Сицилија по синоќешната лава денеска исфрла пепел.

Министерствата за одбрана и специјалните служби на Турција и на Русија ќе продолжат да работат на намалување на насилствата во Сирија и воспоставување на мир и стабилност во регионот, изјави денеска шефот на турската дипломатија Мевљут Чавушоглу по средбата со рускиот колега Сергеј Лавров во Москва.

Европската унија би требало да го поедностави процесот на одлучување за прием на нови членки, така што не мора да постои едногласна одлука за секоја ситница, изјави еврокомесарот за проширување на ЕУ, Јоханес Хан за германскиот весник „Клајне цајтунг“.