Американскиот Секретаријат за финансии денеска најави санкции против две руски компании кои тргувале со Северна Кореја и и доставувале нафта на комунистичката држава која е под американски санкции.

Јужна Кореја ќе продолжи да се залага собирите на семејствата разделени во Корејската војна (1950-53), да стануваат се почести, истакна јужнокорејскиот министер за обединување, Чо Мјунг-ѓун.

Кремљ денеска го негираше тврдењето на американскиот компјутерски гигант Мајкрософт дека хакери поврзани со руските власти се мешале во претстојните конгресни избори во САД. Според Мајкрософт, 84 интернет страници поврзани со група руски разузнавачи во изминатите две години биле искористени во обид да се навлезе во компјутерските системи на двете најголеми партии во САД, како и на конзервативни тинк тенкови.

Рускиот министер за надворешни работи Сергеј Лавров изјави денеска дека талибанците ја прифатиле покана да учествуваат во преговорите за иднината на Авганистан во Москва.

Новата рунда преговори за Брегзит заврши без значаен напредок, но со заложби од двете страни за интензивирање на преговорите, порачаа двајцата главни преговарачи, Доминик Рааб и Мишел Барние. Разликите остануваат големи, јави дописничката на МИА од Брисел.

Нема индикации дека Северна Кореја запрела да работи на нуклеарно оружје, соопшти денеска Меѓународната агенција за атомска енергија (МААЕ).

Околу 2,4 милиони аџии во Мека денеска го почнаа ритуалот со фрлање камења кон Сатаната, на првиот ден на Курбан бајрам, празникот на принесување жртва, кој го одбележуваат муслиманите во целиот свет.

Германскиот министер за надворешни работи Хајко Маас денеска повика на создавање на европски платен систем независен од САД, со цел да може да продолжи трговијата со Иран наспроти американските санкции.

Градските власти во Истанбул годинава не дозволија за Курбан бајрам да се колат животни во близина на морето. Со тоа, за првпат по подолго време, водите на Босфорот не се зацрвенија од крв од жртвуваните животни, јави Си-Ен-Ен Турк.

Студент од Бристол стана еден од најбогатите Британци откако ја продаде својата компанија на светски познатиот дански конгломерат Ново Нордиск за 620 милиони фунти, објави „Дејли Меил“.