Имран Кан денеска положи заклетва на местото премиер на Пакистан и покрај протестите на опозициските партии кои тврдат дека тој победил на изборите со помош на безбедносните служби.

Лидерот на талибанците Маулви Хаибатул Ахунзада денеска изјави дека нема да има мир во Авганистан се додека трае „окупацијата на странците“, повторувајќи дека 17-годишната војна може да биде завршена само со директни преговори со САД.

САД воведе санкции против четворица воени и полициски команданти на Мјанмар и две воени единици, обвинувајќи ги за етничко чистење на Рохинџите и за кршење на човековите права, соопшти американското Министерство за финансии.

Во Италија денеска е прогласен Ден на жалост поради жртвите од уривање на надвозникот во Џенова, при што загинаа 38 луѓе, а од 10 до 20 лица се водат како исчезнати.

Агенцијата „Стандард енд Пурс“ го намали кредитниот рејтинг на Турција на „Б плус“ наведувајќи дека падот на вредноста на лирата ќе доведе до послаба економија следната година.

Земјотрес со интензитет од шест степени според Рихтеровата скала денеска е регистриран во јужниот дел на Костарика, во близина на границата со Панама, соопшти американскиот Геолошки институт.

Во текот на следната недела се очекува да бидат соопштени и информации за тоа дали и како на пратениците и пратеничките групи ќе учествуваат во јавната пропаганда за референдумот, но и тоа дали Собранието, како овластен предлагач, со свои претставници ќе ја набљудува работата на изборните органи што ќе го спроведуваат референдумот на 30 септември.

Администрацијата на САД одлучи повеќе да не финансира проекти за стабилизација на Сирија и најави дека ќе ги пренасочи средствата за други приоритети.

Службеник од канцеларијата на локалниот муфтија во градот Терџан во источна Турција денеска пукал во свои колеги и во таа прилика убил двајца, а повредил четворица, по што се обидел да се самоубие.

Унгарските власти почнале да принудуваат кандидати за азил да се откажат од барањата со тоа што ги лишувале од храна, соопшти невладина организација.