Американскиот државен секретар Мајк Помпео денеска во Пјонгјанг се сретна со севернокорејскиот функционер Ким Јонг-чол, со кого разговараше за начините за ликвидирање на нуклеарната програма на Северна Кореја.
Осакатувањето, групното силување и убиствата, што се регистрирани во регионот Касаи во Конго, би можеле да бидат вовед во геноцид, се наведува во извештајот на Обединети нации.
Москва и Пекинг се заинтересирани за зачувување на целосна имплементација на Договорот за иранската нуклеарна програма, изјави рускиот министер за надворешни работи Сергеј Лавров на средбата со кинескиот колега Ванг Ји.
Германскиот министер за внатрешни работи Хорст Зехофер ги обвини европските институции дека доведуваат во опасност животи на луѓе со нивниот бескомпромисен пристап кон Британија во рамки на преговорите за безбедносните елементи на британското излегување од ЕУ.
Претставникот на Обединети нации, Марк Лоукок следната недела ќе ја посети Северна Кореја. Тоа ќе биде прва посета од 2011 година.
Неколку стотици лица се евакуирани од нивните домови во северна Калифорнија поради силниот шумски пожар кој изби вчера.
Севернокорејските медиуми ги осудија САД поради поставување на прашања за човековите права во земјата, пред решавање на нуклеарниот проблем.
Тајлански нуркачи ги пребараа остатоците од бродот што вчера се преврте и потона во близина на тајландско одморалиште Пукет, а бројот на загинати се искачи на 10, додека 45 лица се водат како исчезнати.
Исландски научници велат дека конструирале точен и прецизен апарат за предвидуање земјотрес, кој работи со помош на кабел со оптички влакна за следење на сеизмичката состојба, пренесува Би-би-си.
Командантот на тајландските морнарички „Фоки“ кои работат на спасувањето на децата заглавени во поплавената пештера во северниот дел на земјата, денеска истакна дека останала „ограничена количина време“ за извлекување на децата.
