Канцеларот на Австрија, Себастијан Курц денеска ја отфрли можноста мигрантите да смеат да поднесуваат барања за азил во некоја од земјите на Европската Унија во планираните прифатни центри кои треба да се градат надвор од границите на ЕУ.

Францускиот претседател Емануел Макрон за време на викендот го смени амбасадорот во Унгарија, Ерик Фурниe, откако беше објавен доверлив меморандум, во кој амбасадорот ја фали мигрантската политика на унгарскиот премиер Виктор Орбан.

Во југозападните делови на Иран две вечери по ред избиваат судири меѓу полицијата и демонстранти кои протестираат поради недостатокот на вода за пиење.

„Стандард“ посочува дека и во Хрватска, како и во многу други држави од Централна и Источна Европа, брзо по приемот е забележано дека Брисел повеќе не може да изврши никаков реформски притисок, а тоа доведе до зајакнување на екстремно националистичките сили.

Германскиот министер за внатрешни работи Хорст Зехофер денеска најави дека очекува да има средба со канцеларката Ангела Меркел, на која ќе се разговара за неговата понуда да се повлече од функцијата.

Полицијата на Малта приведе девет лица, кои со гумен чамец пристигнале од Либија.

Вулканот Агунг на индонезискиот остров Бали еруптираше денеска, при што исфрли чад во висина од 2.000 метри.

Советникот на американскиот претседател за национална безбедност Џон Болтон изјави дека САД имаат едногодишен план како да стават крај на севернокорејската нуклеарна програма.

Германскиот министер за внатрешни работи Хорст Зехофер, кој е и лидер на Христијанско-социјалната унија (ЦСУ), и понуди оставка на канцеларката Ангела Меркел, незадоволен од исходот на самитот на Европската Унија на кој се утврди новата миграциска политика.

Во својот трет обид, левичарскиот кандидат Мануел Лопез Обрадор (64) победи на изборите во Мексико со 53 проценти од гласовите, далеку над конзервативните кандидати. Противкандидатот Хозе Антонио Меад му честиташе на Обрадор на победата, а честитка упати и американскиот претседател Доналд Трамп.