Српскиот претседател Александар Вучиќ вечерва потврди дека САД воведоа санкции за Нафтената индустрија на Србија (НИС) и додаде дека Србија ништо не придонела за тоа.

Во контејнер што од Тајланд пристигнал на атинското пристаниште Пиреас, со крајна дестинација Братислава, биле откриени 9.390.000 шверцувани цигари, односно 469.500 кутии, јави дописничката на МИА од Атина.

Поранешниот бугарски премиер Кирил Петков денеска е повикан на распит во обвинителството во Софија, а се очекува да биде обвинет и за пречекорување на должноста додека ја извршувал функцијата премиер.

Во најавата за вториот круг од претседателските избори во Хрватска светските агенции пишуваат за речиси сигурна победа на Зоран Милановиќ, а некои од нив ја прикажуваат и борбата меѓу него и неговиот противкандидат Драган Приморац како судир меѓу популист и научник, пренесе Хина.

Велопулос на средината на мај минатата година од собраниската говорница го искина Договорот од Преспа, упатувајќи остри критики до актуелната грчка Влада.

Во базата на грчкото воено воздухопловство во близина на Атина вчера пристигнал уште еден воен авион Рафал, со што се комплетираше набавката од 24 француски „ловци“, што Грција ги нарача во изминатите години, јави дописничката на МИА од Атина.

Со нешто помалку од 50 отсто од гласовите, Милановиќ не успеа да обезбеди целосна победа во првиот круг од изборите минатиот месец, а во вториот круг на 12 јануари негов противкандидат ќе биде Драган Приморац, кој е поддржан од владејачката Хрватска демократска заедница.

Четири лица се повредени, откако, од засега непознати причини, паднал лифт во атинската државна болница „Црвен крст“, јави дописничката на МИА од Атина.

Словенечките затвори се соочуваат со сериозна пренатрупаност, при што моменталната пополнетост изнесува 130 проценти, јави Анадолија.

Заменик-директорот на косовската полиција за северниот регион Ветон Елшани изјави дека за случајот бил информиран надлежниот обвинител, а на вработените во Даночната управа им е дозволено да ги изнесат само своите лични работи, јави Бета.