Претседателот на Лигата на социјалдемократи на Војводина (ЛСВ), Ненад Чанак, побара од државните органи да престанат со „толерирање“ на членовите на движењето против вакцинацијата и оцени дека краткорочните апсења на лидерите против вакцинацијата „не се доволни“, јави дописникот на МИА од Белград.

Во Албанија денеска почна вакцинацијата на полициските службеници и припадниците на Националната гарда.

Сабота е ден за размислување во Бугарија за време на кое е забрането агитирање. За 240 места во новиот состав на бугарски парламент ќе се борат 6.895 кандидати од 30 партии и коалиции регистрирани за учество на изборите, јави дописникот на МИА од Софија.

Опозицискиот Демократски сојуз на Косово (ЛДК) нема да го поддржи предлогот на владејачкото Движење Самоопределување (ВВ) за избор на Вјоса Османи за нова претседателка на државата, доколку ВВ и нејзиниот лидер, премиерот Албин Курти не го повлечат предлогот за измени на Законот за избори, јави дописникот на МИА од Приштина.

Бугарскиот Врховен управен суд денеска донесе одлука да нема видео надзор на парламентарните избори на 4 април, јави дописникот на МИА од Софија.

Бугарскиот Главен обвинител, Иван Гешев, награди десетици началници на специјалните служби, обвинители, истражители и воени разузнавачи кои учествуваа во откривањето на шпионската мрежа што работела за Русија, јави дописникот на МИА од Софија.

Во среда започнува дистрибуцијата на тестовите за Ковид-19 за домашна употреба, односно т.н. „селф тестови“, во аптеките во Грција, а ќе бидат бесплатни, но и задолжителни за одредени категории граѓани, како што се учениците и наставниците, јави дописничката на МИА од Атина.

Во Албанија попладнево почна вакцинацијата на новинарите и другите медиумски работници, како категорија која се наоѓа во најголема опасност од Ковид-19.

Четири словенечки опозициски партии поднеле барање со кое од Собранието се бара да покрене постапка пред Уставниот суд за отповикување на премиерот Јанез Јанша.

Од синоќа до претпладнево, во поширокиот морски регион североисточно од островот Лезбос беа регистрирани вкупно шест случаи во кои чамци со странски државјани се обидоа да влезат во грчките територијални води во придружба на турски патролни возила, соопштуваат од грчката крајбрежна служба, во врска со, како што велат „турската провокација во источниот дел на Егејското море“, јави дописничката на МИА од Атина.