Преговарачката платформа на Приштина, без сомнение е третиот и последен удар врз дијалогот, тоа е документ против каков било компромис и дијалог, спротивен на здравиот разум, а реакцијата на Србија ќе биде одмерена и во интерес на нашите граѓани, изјави премиерката на Србија, Ана Брнабиќ.

Клучот за отклучување на економскиот потенцијал во овој регион се жените. Секоја година економиите од Западен Балкан во просек изгубиле 18 проценти од бруто домашниот производ (БДП) поради родовиот јаз на пазарот на трудот – што е повеќе од вкупниот БДП на Србија, изјави во специјално обраќање по повод 8-ми март, генералната секретарка на Регионалниот совет за соработка (РСС) Мајлинда Брегу.

Феминистички организации, здруженија на жени, синдикати и униите на жени од дел од грчките партиите, здружени во „Грчката мрежа за феминистички штрајк на 8-ми март“, денеска првпат во Грција организираат штрајк и протест во грчката престолнина, јави дописничката на МИА од Атина.

Земјотрес со јачина од 3,9 степени по Рихтеровата скала, со епицентар во Унгарија, на самата граница со Хрватска, е регистриран синоќа.

Косовскиот премиер Рамуш Харадинај оцени дека вчерашното изгласување во Собранието на Платформата на државниот тим за преговори со Србија значи гласање за зачувување на Косово во границите во кои беше прогласена независноста на државата на 17 февруари 2008 година, јави дописникот на МИА од Приштина.

Во неа се истакнува дека политички приоритет на Косово е да се постигне договор со Србија, што ќе му овозможи на Косово да напредува кон универзално признавање и членство во Советот на Европа, Европската унија и ОН.

Косовското Собрание ја усвои Платформата на државниот тим за преговори со Белград, која предвидува постигнување сеопфатна и законски обрврзувачка спогодба за нормализација на односите меѓу Косово и Србија, јави дописникот на МИА од Приштина.

Приштина со платформата усвоена за дијалог со Белград испраќа порака дека тоа е крај на дијалогот. Тоа го изјави вечерва директорот на Канцеларијата за КиМ, Марко Ѓуриќ.

Возачот на камионот што ја предизвика тешката сообраќајна несреќа попладнево во Гњилане, во која загина едно лице а околу 20 се повредени, е уапсен заедно со уште едно лице кое било сопатник во возилото, соопшти портпарол на косовската полиција за гњиланскиот регион.

Копретседавачот на тимот за дијалог на Приштина со Белград, Фатмир Лимај во Парламентот ја претстави платформата за продолжување на тој процес.