Косовскиот премиер Рамуш Харадинај најави дека неговата српска колешка Ана Брнабиќ ќе биде меѓу поканетите да го посети Косово на почетокот на идниот месец, заедно со претседателите на влади на другите земји од регионот, јави дописникот на МИА од Приштина.

За пожарот во јули минатата година во областа Мати, во кој животот го загубија 100 лица, а беше причинета огромна материјална штета, грчкото обвинителство кривично гони 20 функционери меѓу кои префектот на периферијата Атика, градоначалниците на општините Маратонас и Рафина, поранешниот Генерален секретар за цивилна заштита, функционери во полицијата и противпожарната служба, но и еден 65-годишен маж кој е одговорен за избувнувањето на пожарот, јави дописничката на МИА од Атина.

За слетувањето на венецуелскиот владин авион на атинскиот аеродром во саботата, информација објавена од грчката телевизија „Скај“, а за која грчки владини извори коментираа дека причината била снабдување со гориво, со соопштение излезе Агенцијата за цивилно воздухопловство на Грција, јави дописничката на МИА од Атина.

Европскиот комесар за проширување Јоханес Хан во интервју за „Фајненшел тајмс“ (ФТ) изјави дека Европска Унија го потцениla влијанието на Кина на Балканот и изрази загриженост поради кредитите што балканските земји ги земаат од Пекинг.

Генералниот секретаријат на Интерпол потврди дека примил ново барање од Косово за членство во таа организација, пишува приштинскиот весник „Бота сот“.

Косовскиот вицепремиер и копретседавач во приштинскиот тим за продолжување на преговорите со Белград, Фатмир Лимај напиша на Твитер дека платформата за дијалог оваа недела ќе се најде во косовскиот Парламент.

Претседателот на косовското Собрание Кадри Весели порача денеска дека никој нема право да го оддели Косово од Соединетите Американски Држави и дека никој не може да ја оддалечи земјата од патот на евроатлантските интеграции, јави дописникот на МИА од Приштина.

Во голема тајност, без претходно да биде доставен план за летање, владиниот авион на Венецуела, со ознаката YV2486 во саботата напладне слета на аеродромот „Елефтериос Венизелос“ во Атина

„Претседателот на Србија и на Српската напредна партија (СНС) Александар Вучиќ, повторно е фатен во лага со која се обиде на странците истовремено да им испрати порака дека е подготвен да го признае Косово како независна држава, а на јавноста во Србија да се претстави како борец за Косово“-соопштија од опозицискиот фронт Сојуз за Србија(СзС).

Информацијата на агенцијата АНСА дека претседателот на Србија, Александар Вучиќ, е подготвен да го признае Косово ако добие нешто во замена е повлечена поради погрешна интерпретација и погрешен превод.