Илјадници демонстранти кои ја поддржуваат албанската опозиција денеска ја опколија зградата на Парламентот во Тирана, барајќи оставка на Владата и предвремени избори.

Италијанскиот премиер утре ќе престојува во еднодневна посета на Србија, при што ќе оствари средби со српскиот претседател Александар Вучиќ и премиерката Ана Брнабиќ.

Американскиот амбасадор во Приштина, Филип Коснет порача дека „функционалната пазарна економија и непречената регионална трговија се вистинскиот пат на Косово за привлекување американски и други странски инвестиции“, јави дописникот на МИА од Приштина.

Со писмо до претседателот на Европската народна партија, Жозеф Дол, лидерот на Нова демократија, Кирјакос Мицотакис бара да се спроведат внатрешни процедури за партијата Фидес на Виктор Орбан да биде суспендирана од членството во ЕПП, јави дописничката на МИА од Атина.

Опозициските партии потписници на Договорот со народот продолжија со бојкот на работата на српскиот Парламент.

Косовскиот премиер Рамуш Харадинај, по повод годишнината од „Епопејата на Ослободителната војска на Косово (ОВК)“, на денешната церемонија во касарната „Адем Јашари“, порача дека Војската на Косово, која беше формирана кон крајот на минатата година, нема да се употреби за напад врз сопствените граѓани, ниту на север, ниту на југ, јави дописникот на МИА од Приштина.

Генералниот секретар на Советот за регионална соработка Горан Свилановиќ на Бизнис форумот на Копаоник изјави дека една од пораките од панелот за регионална соработка и за ЦЕФТА договорот, е дека шефовите на владите уште во Трст се имаат обврзано да работат на формирање регионална економска зона, но во пракса, некаде во бирократијата, гласовите за поддршка се губат.

Илјадници демонстранти, поддржувачи на опозицијата, денеска ја опколија зградата на Парламентот во Тирана, барајќи оставка на Владата и распишување предвремени парламентарни избори.

-Пред еден месец во грчкиот Парламент изгласавме еден многу, многу тежок, но исто толку неопходен за земјата, но и за целиот Балкан, можеби симболично, и за Европа, важен договор. Договорот од Преспа.

Српскиот министер за надворешни работи Ивица Дачиќ изјави дека во Хрватска се создава антисрпска атмосфера, која станува начин на владеење, што се рефлектира и во други области, како што е безбедноста на луѓето.