Лидерот на една од најголемите косовски опозициски партии, Движење Самоопределување (ВВ), Албин Курти веќе втор ден се наоѓа на одделението за интензивна нега при Клиничкиот универзитетски центар на Косово (ЌКУК), поради проблеми со дишните органи, јави дописникот на МИА од Приштина.

Речиси 7 од 10 Грци сметаат дека Договорот од Преспа многу ќе влијае на гласот на граѓаните на следните избори, според последното истражување на јавното мислење спроведено од агенцијата „Alco” за грчката телевизија „Open”, јави дописничата на МИА од Атина.

Црна Гора летово го отвора своето ново Ананти Ресорт, Резиденсес енд Бич Клаб одморалиште, сместено на само 10 минути возење од Будва.

Српската премиерка Ана Брнабиќ изјави дека изјавите на приштинските власти дека на Косово ќе му припаднат три општини од централна Србија немаат врска со реалноста и со умот.

Портпаролот на парламентарната група на Христијанско-демократската унија (ЦДУ) Флоријан Хан порача дека „меѓународната заедница, доколку Косово и Србија се согласат дека решението е во промена на границата, тогаш тоа мора да го прифати“.

Грција не постигна доволен напредок во реформите, договорени минатата година, за да добие бонус од Еврозоната од 750 милиони евра, но се уште може да ги заврши промените, пред состанокот на министрите за финансии на блокот закажан за 11 март, на кој ќе се разговара за ова прашање, соопшти денеска Европската комисија.

Обединетата албанска опозиција го откажа за утре најавениот протест пред Парламентот во Тирана.

Во Црна Гора починаа уште пет лица од компликации од грип, со што вкупниот број починати за оваа сезона се зголеми на 15, покажуваат најновите податоци на црногорскиот Институт за јавно здравје.

Српската опозициска Демократска партија (ДС) на Зоран Лутовац и неколку партии формирани од поранешни демократи водат преговори за обединување во една политичка партија, тврди во денешното издание белградскиот весник „Блиц“.

Условна затворска казна од 28 месеци и парична казна од 20 илјади евра му одреди грчки суд на поранешниот пратеник на Нова демократија, Никос Георгиадис за случај поврзан со педофилија, пред околу девет години во Молдавија кога тој бил на позиција во претставништвото на ОН, јави дописничката на МИА од Атина.