Словенечкиот министер за надворешни работи Миро Церар изјави дека ќе го „подучи“ шефот на британската дипломатија Џереми Хант за историјата на Словенија.

Откако се откажа од пратеничките мандати албанската опозиција ја разгледува можоста да ги повлече градоначалниците и членовите на општиснките совети низ целата земја.

Заменикот-министер за внатрешни работи на Косово Изми Зека потврди дека властите во Приштина повторно поднеле барање за членство во Интерпол. Тој за Радио Слободна Европа на албански јазик изјави дека барањето е поднесено на 31 јануари оваа година.

Лидерот на албанската Демократска партија, Љуљзим Баша вечерва изјави дека „ниту еден обид нема да го спаси премиерот Еди Рама од законска одговорност за кражба на изборите“.

Косовскиот премиер Рамуш Харадинај изјави денеска дека верува оти во јуни годинава граѓаните на Косово ќе можат слободно, без визи, да патуваат во Шенген зоната, јави дописникот на МИА од Приштина.

Косовскиот премиер Рамуш Харадинај изјави дека дијалогот за нормализирање на односите меѓу Косово и Србија „одредени кругови во Приштина и Брисел“ го претворија во дијалог за територии, но порача дека „Косово нема да даде ниту педа земја во замена за признавање“, јави дописникот на МИА од Приштина.

Портпаролката на ЕУ, Маја Коцијанчич денеска го изнесе ставот на Унијата дека бојкотот на Парламентот не е прифатлив, како и дека не постои „балканска пролет“, по повод настаните во Албанија, Црна Гора и Србија.

Босна и Херцеговина нема да дозволи да стане собиралиште на мигранти на Западен Балкан и каква било финансиска помош, која би била насочена кон тоа, нема да прифатиме, изјави денеска претседавачот со Советот на министри на БиХ, Денис Звиздиќ.

Советот на министри на Босна и Херцеговина го заврши комплексниот процес на одговарање на дополнителните прашања од Прашалникот на Европската комисија, со што БиХ ги заврши своите обврски за добивање кандидатски статус, изјави денеска босанскиот премиер Денис Звиздиќ.

Косовскиот Национален институт за јавно здравје и Болничко-клиничката универзитетска служба денеска соопштија дека во Косово моментно е присутна епидемија на сезонски грип, за што е формиран Комитет за справување со болеста, јави дописникот на МИА од Приштина.