Заминувањето на албанскиот премиер Еди Рама од функциијата е „најголемата национална мисија на секој Албанец, кој го сака своето семејство и своите деца“, изјави денеска лидерот на опозициската Демократска партија (ПД), Љуљзим Баша, по средбата со претседателите на партиските општински организации.

Нашиот стремеж е да станеме главен стратешки одбранбен партнер на Северна Македонија во одржувањето на мирот и зајакнувањето на соработката на Балканот, вели министерот за одбрана на Грција, Евангелос Апостолакис во интервјуто за неделното издание на грчкиот весник „Катимерини“, јави дописничката на МИА од Атина.

Најмалку 15 лица побарале медицинска помош во босанскиот град Мостар, откако се здобиле со повреди за време на невремето проследно со силен ветер, што дувал со брзина од 80 до 100 километри на час.

Годишниот извештај на Европската комисија за напредокот на балканските земји ќе биде одложен до завршувањето на изборите за Европскиот парламент, закажани за крајот на мај, јави РТС, повикувајќи се на дипломатски извори во Брисел.

Според официјалните податоци на косовското Министерство за здравство, околу 95 отсто од децата во оваа земја се вакцинирани, со што Косово влегува во редот од државите со највисок степен на имунизација, јави дописникот на МИА од Приштина.

Авионот на компанјата „Блу Панорама” кој сообраќал на релација Тирана-Анкона бил принуден да слета неколку минути по полетувањето од меѓународниот аеродром во Тирана.

Во Белград синоќа се одржа 12-иот граѓански протест „Еден од пет милиони“, на кој главна порака е изградба на систем во Србија, на кој нема да биде можно чие било самоволие.

Според последната проценка на хрватскиот Државен завод за статистика, во средината на минатата година Хрватска имала 4.089.000 жители, што е најмал број во последните 25 години.

Европската унија не дозволува да ги укинеме визите за некои земји и постојано нѐ притиска да ги повлечеме таквите одлуки, изјави првиот заменик премиер и министер за надворешни работи на Србија Ивица Дачиќ.

Директорот на Лекарската комора на Србија Милан Диниќ, изјави дека не се знае точно колку лекари годишно ја напуштаат Србија, но некои податоци покажуваат дека 300 од нив одат во странство во потрага по подобра работа. Тој додаде дека е потребно да се преземат мерки за да се спречи масовниот одлив на лекари во моментот кога Србија ќе влезе во ЕУ.