Јас сум Јанис Бутарис и веќе 28 години сум чист, излегов победник, напиша солунскиот градоначалник на неговиот официјален Твитер профил, споделувајќи го неговото искуство и борбата за одвикнување од алкохолот, јави дописничката на МИА.

Партнерката на српската премиерка Ана Брнабиќ, Милица Ѓурѓиќ, роди син во средата, објави српски Блиц.

Развој на соработката во трговијата и инвестициите, енергетиката и регионалната економска соработка и контактите меѓу граѓаните беа темите на кои бил ставен акцентот на денешниот работен состанок во Министерството за надворешни работи на Грција, во рамките на грчко- американскиот стратешки дијалог, јави дописничката на МИА од Атина.

Грчката анархистичка група Рубикон денеска упадна во компанија, специјализиран рибник. Од 17 февруари до денеска припадници на Рубикон извршија упади во две амбасади и во три фирми, јави дописничката на МИА од Атина.

Појавата на африканска свинска куга во Бугарија, Унгарија и Романија оваа година претставува сериозна и директна закана за балканските земји, кои никогаш не биле изложени на таа болест, порачуваат од Организацијата за храна и земјоделство при ОН (ФАО).

Пратеникот од редовите на Алијансата за иднината на Косово (ААК) на премиерот Рамуш Харадинај, Блерим Кучи денеска соопшти дека е повикан од Специјалниот суд за Косово во Хаг, јави дописникот на МИА од Приштина.

Новоформираното тело на истражни судии во Романија започна истраги против европски комесари и шефицата на делегацијата на Еврокомисијата во Букурешт, на што реагираше Брисел потсетувајќи дека комесарите одговараат пред Европскиот суд за правда, јави дописничката на МИА во Брисел.

Припадници на грчката Крајбрежна стража денеска пресретнаа брод со 29 илегални мигранти во Егејското Море, на потегот меѓу градовите Александрополис и Самотраки.

Собранието на Албанија од денеска и официјално е без опозиција, откако лидерот на опозициската Демократската партија, Љуљзим Баша до Претседателството на Парламентот ги достави изјавите потпишани од пратениците со кои тие се откажуват од пратеничките мандати.

Австрискиот канцелар Себастијан Курц изјави дека ја поддржува идејата за размена на територии меѓу Србија и Косово, иако тоа е многу чувствителен проблем.