Косовскиот премиер Рамуш Харадинај изјави денеска дека ја поддржува идејата на неговиот заменик, вицепремиерот Беџет Пацоли за заедничка средба на целиот политички спектар во Косово со земјите сојузнички во врска со дијалогот со Србија, јави дописникот на МИА од Приштина.

Косовскиот вицепремиер и министер за надворешни работи Беџет Пацоли смета дека Приштина треба да вложи напори за да најде решение за барањата на нејзините сојузници, пред се на САД, за продолжување на преговорите со Белград, јави дописникот на МИА од Приштина.

Директорот на српската групација „Мои брендови“, Андреј Јовановиќ соопшти дека компанијата „Кока-Кола“ е заинтересирана за купување и на фирмата „Књаз Милош“.

Советникот на косовскиот премиер Рамуш Харадинај, Халил Матоши во изјава за МИА истакна дека за косовската Влада е целосно неприфатлива идејата на шефот на српската дипломатија Ивица Дачиќ за „разграничување меѓу двете земји“, како „решение за косовското прашање“.

Во Грција се наоѓаат речиси 70.000 мигранти, кои се движеат кон земјите од ЕУ, изјави денеска министерот за безбедност на Босна и Херцеговина, Драган Мектиќ.

Одговорниот за надворешна политика во грчката опозициска партија Нова демократија, Јоргос Кумуцакос оцени дека поранешните грчки министри Никос Коѕијас и Панос Каменос и нанесуваат штети на Грција и по напуштањето на Владата, јави дописничката на МИА од Атина.

Министерот за надворешни работи на Грција, Јоргос Катругалос во писмо до неговиот британски колега Џереми Хант наведува дека основен приоритет по Брегзит треба да бидат правата на граѓаните, како на Грците кои живеат, работат и студираат во Велика Британија, така и на Британците во Грција, со цел да продолжат да ги уживаат целосно соодветните, ако не и истите права, како и досега.

Српскиот претседател Алекандар Вучиќ денеска изјави дека „нема ништо против“ средбите на лидерите на опозицијата во Србија со странски високи претставници.

Министерот за надворешни работи на Србија, Ивица Дачиќ изјави дека разграничувањето претставува официјален предлог на Србија за решавање на косовското прашање во дијалогот со албанската страна, но дека сé уште не е утврдено каде би била линијата на разграничување.

Лидерот на Социјалдемократската партија (ПСД) Шпенд Ахмети изјави дека неговата партија ја поддржува одлуката на Владата на Рамуш Хардинај за воведување такса од 100 отсто на увозот од Србија и Босна и Херцеговина и дека нема да и помогне на владејачката Демократска партија на Косово (ПДК) доколку се обиде да ја урне Владата поради воведената царина, јави дописникот на МИА од Приштина.